13.96C Vancouver 13.96C VancouverAug 8, 2024 6:44 PM - The Canadian Press
ਕੈਨੇਡਾ ਦੇ ਵਾਤਾਵਰਣ ਤੇ ਮੌਸਮ ਤਬਦੀਲੀ ਡਿਪਾਰਟਮੈਂਟ ਨੇ ਓਨਟਾਰੀਓ, ਕਿਊਬੈਕ ਅਤੇ ਅਟਲਾਂਟਿਕ ਕੈਨੇਡਾ ਦੇ ਕੁਝ ਹਿੱਸਿਆਂ ਵਿਚ ਭਾਰੀ ਬਾਰਸ਼ ਦੀ ਚਿਤਾਵਨੀ ਦਿੱਤੀ ਹੈ। ਮੌਸਮ ਏਜੰਸੀ ਦੇ ਵਿਗਿਆਨੀ ਨੇ ਵੀਰਵਾਰ ਨੂੰ ਕਿਹਾ ਕਿ ਡੈਬੀ ਤੂਫਾਨ ਜਾਂਦਾ-ਜਾਂਦਾ ਅਮਰੀਕਾ ਤੋਂ ਕੈਨੇਡਾ ਵੱਲ ਵੱਧ ਰਿਹਾ ਹੈ, ਜਿਸ ਨਾਲ ਭਾਰੀ ਬਾਰਸ਼ ਦੇ ਹਾਲਾਤ ਬਣ ਰਹੇ ਹਨ।
ਵਾਤਾਵਰਣ ਕੈਨੇਡਾ ਦੀ ਮੌਸਮ ਵਿਗਿਆਨੀ ਜੈਨੀਫਰ ਸਮਿਥ ਨੇ ਕਿਹਾ ਕਿ ਬਾਰਸ਼ ਅੱਜ ਤੋਂ ਹੀ ਸ਼ੁਰੂ ਹੋ ਸਕਦੀ ਹੈ। ਸ਼ੁੱਕਰਵਾਰ ਅਤੇ ਸ਼ਨੀਵਾਰ ਨੂੰ ਤੂਫਾਨ ਪੂਰਬੀ ਕਿਊਬੈਕ ਅਤੇ ਉੱਤਰ ਪੱਛਮੀ ਨਿਊ ਬਰੰਜ਼ਵਿਕ ਵਿਚ ਦਾਖ਼ਲ ਹੋ ਸਕਦਾ ਹੈ, ਜਿਸ ਨਾਲ ਸੇਂਟ ਲਾਰੈਂਸ ਰਿਵਰ ਵੈਲੀ ਅਤੇ ਕਿਊਬੈਕ ਸਿਟੀ ਵਿਚ ਭਾਰੀ ਬਾਰਸ਼ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਕੁਝ ਖੇਤਰਾਂ ਵਿਚ ਅਚਾਨਕ ਹੜ੍ਹ ਵੀ ਆ ਸਕਦੇ ਹਨ। ਜੈਨੀਫਰ ਸਮਿਥ ਮੁਤਾਬਕ, ਐਤਵਾਰ ਨੂੰ ਤੂਫਾਨ ਕਮਜ਼ੋਰ ਪੈ ਜਾਵੇਗਾ। ਸਮਿਥ ਨੇ ਕਿਹਾ ਕਿ ਓਟਵਾ ਅਤੇ ਮਾਂਟਰੀਅਲ ਵਿਚ ਜ਼ਿਆਦਾਤਰ ਬਾਰਸ਼ ਸ਼ੁੱਕਰਵਾਰ ਸਵੇਰ ਤੋਂ ਸ਼ੁੱਕਰਵਾਰ ਦੇਰ ਰਾਤ ਤੱਕ ਪੈਣ ਦੀ ਸੰਭਾਵਨਾ ਹੈ।
ਉਨ੍ਹਾਂ ਕਿਹਾ ਕਿ ਮਾਂਟਰੀਅਲ ਵਿਚ ਆਮ ਤੌਰ ’ਤੇ ਅਗਸਤ ਵਿਚ 94 ਮਿਲੀਮੀਟਰ ਬਾਰਸ਼ ਹੁੰਦੀ ਹੈ ਪਰ ਸ਼ਹਿਰ ਵਿਚ ਇਕੱਲੇ ਸ਼ੁੱਕਰਵਾਰ ਨੂੰ ਹੀ 60 ਤੋਂ 80 ਮਿਲੀਮੀਟਰ ਬਾਰਸ਼ ਪੈਣ ਦੀ ਉਮੀਦ ਹੈ।
