19.99C Vancouver 19.99C VancouverFeb 7, 2020 3:17 PM -
ਚੀਨ ਵਿੱਚ ਕਰੋਨਾਵਾਇਰਸ ਪ੍ਰਭਾਵਤ ਇਲਾਕੇ ਤੋਂ ਕਨੇਡੀਅਨ ਨਾਗਰਿਕਾਂ ਨੂੰ ਲਿਆਉਣ ਲਈ ਗਿਆ ਚਾਰਟਰ ਜਹਾਜ਼ ਓਂਟਾਰੀਓ ਪਹੁੰਚ ਚੁੱਕਾ ਹੈ।
176 ਯਾਤਰੀਆਂ ਦਾ ਇਹ ਜਹਾਜ਼ ਕੱਲ ਰਾਤ ਕੁਝ ਸਮਾਂ ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ ਉੱਤੇ ਰੁਕਣ ਤੋਂ ਬਾਅਦ ਅੱਜ ਸਵੇਰ 6:30 ਵਜੇ ਟ੍ਰੇਨਟਨ ਦੇ ਕਨੇਡੀਅਨ ਫੋਰਸਜ਼ ਬੇਸ (Canadian Forces Base) ਵਿਖੇ ਪਹੁੰਚਿਆ।
ਅਧਿਕਾਰੀਆਂ ਮੁਤਾਬਕ ਫਲਾਈਟ HFM322 ਵਿੱਚ ਕਨੇਡੀਅਨ ਨਾਗਰਿਕਾਂ ਤੋਂ ਅਲਾਵਾ 13 ਪਰਮਾਨੈਂਟ ਰੇਸੀਡੇੰਟ ਅਤੇ 6 ਚਾਇਨੀਜ਼ ਨੈਸ਼ਨਲ ਹਨ ਜਿਨ੍ਹਾਂ ਕੋਲ ਕਨੇਡੀਅਨ ਵੀਜ਼ੇ ਹਨ।
ਇਹ ਜਹਾਜ਼ ਕੱਲ ਰਾਤ ਪਹਿਲਾਂ ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੇ ਤਕਰੀਬਨ 2 ਘੰਟੇ ਰੀਫਿਊਲ ਕਰਨ ਵਾਸਤੇ ਰੁਕਿਆ ਸੀ ਜਿਸ ਦੌਰਾਨ ਕੋਈ ਵੀ ਜਹਾਜ਼ ਤੇ ਚੜ੍ਹਦਾ ਜਾਂ ਉੱਤਰਦਾ ਨਹੀਂ ਦੇਖਿਆ ਗਿਆ। ਯਾਤਰੀਆਂ ਨੂੰ 14 ਦਿਨਾਂ ਵਾਸਤੇ ਕਨੇਡੀਅਨ ਫੋਰਸਿਜ਼ ਬੇਸ ਵਿਖੇ ਕੁਆਰਨਟੀਨ ਰੱਖਿਆ ਜਾਵੇਗਾ।
50 ਕੈਨੇਡੀਅਨ ਨਾਗਰਿਕਾਂ ਨੂੰ ਇੱਕ ਅਮਰੀਕੀ ਜਹਾਜ਼ ਰਾਹੀਂ ਵੁਹਾਨ ਤੋਂ ਕੈਨੇਡਾ ਲਿਆਇਆ ਜਾ ਰਿਹਾ ਹੈ।
ਸਰਕਾਰ ਮੁਤਾਬਕ ਇਨ੍ਹਾਂ ਦੋਨਾਂ ਜਹਾਜ਼ਾਂ ਜ਼ਰੀਏ ਚੀਨ ਤੋਂ ਦੋ ਤਿਹਾਈ ਕਨੇਡੀਅਨ ਕੈਨੇਡਾ ਪਹੁੰਚ ਜਾਣਗੇ ਤੇ ਜਾਂ ਪਹੁੰਚ ਗਏ ਹਨ।
ਚੀਨ ਤੋਂ ਬਾਹਰ ਨਿਕਲਣ ਦੇ ਇੱਛੁਕ ਕਨੇਡੀਅਨਜ਼ ਨੂੰ ਲਿਆਉਣ ਵਾਸਤੇ ਇੱਕ ਦੂਸਰਾ ਚਾਰਟਰ ਪਲੇਨ ਭੇਜਿਆ ਜਾਵੇਗਾ ਜਿਸ ਦੇ 10 ਫਰਵਰੀ ਨੂੰ ਵੁਹਾਨ ਵਾਸਤੇ ਰਵਾਨਾ ਹੋਣ ਦੀ ਖ਼ਬਰ ਹੈ।
