16.27C Vancouver 16.27C VancouverSep 14, 2023 8:37 PM - The Canadian Press
ਲੀਬੀਆ ਵਿੱਚ ਹੜ੍ਹਾਂ ਨੇ ਭਾਰੀ ਤਬਾਹੀ ਮਚਾ ਦਿੱਤੀ ਹੈ ਅਤੇ ਬਚਾਅ ਟੀਮਾਂ ਹੜ੍ਹਾਂ 'ਚ ਵਹਿ ਜਾਣ ਵਾਲ਼ਿਆਂ ਦੀਆਂ ਲਾਸ਼ਾਂ ਨੂੰ ਕੱਢ ਰਹੀਆਂ ਹਨ।
ਡੇਰਨਾ ਦੀ ਰੈੱਡ ਕਰੈਸੈਂਟ ਸਹਾਇਤਾ ਸੰਗਠਨ ਦਾ ਕਹਿਣਾ ਹੈ ਕਿ ਹੜ੍ਹ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 11,300 ਤੱਕ ਪਹੁੰਚ ਗਈ ਹੈ।
ਗਰੁੱਪ ਦੇ ਜਨਰਲ ਸਕੱਤਰ ਨੇ ਕਿਹਾ ਕਿ ਸ਼ਹਿਰ ਵਿੱਚ 10,100 ਲੋਕ ਲਾਪਤਾ ਦੱਸੇ ਜਾ ਰਹੇ ਹਨ।
ਡੇਨੀਅਲ ਤੂਫ਼ਾਨ ਕਾਰਨ ਸ਼ਹਿਰ ਦਾ ਬਹੁਤਾ ਹਿੱਸਾ ਪਾਣੀ ਵਿੱਚ ਡੁੱਬਿਆ ਹੋਇਆ ਹੈ।
ਇਨ੍ਹਾਂ ਹੜ੍ਹਾਂ ਕਾਰਨ ਸਭ ਤੋਂ ਵੱਧ ਪ੍ਰਭਾਵਿਤ ਡੇਰਨਾ ਸ਼ਹਿਰ ਹੋਇਆ ਹੈ।
ਬਚਾਅ ਕਾਰਜਾਂ ਵਿੱਚ ਲੱਗੀ ਰੈੱਡ ਕਰੈਸੈਂਟ ਮੁਤਾਬਕ ਮੌਤਾਂ ਦੀ ਗਿਣਤੀ ਵਧਣ ਦਾ ਪੂਰਾ ਖ਼ਦਸ਼ਾ ਹੈ।
ਡੇਰਨਾ ਵਿੱਚ ਦੋ ਬੰਨ੍ਹ ਅਤੇ ਚਾਰ ਪੁਲ਼ ਤਬਾਹ ਹੋ ਚੁੱਕੇ ਹਨ।
ਹਾਲਾਂਕਿ ਇਸ ਮੁਸ਼ਕਿਲ ਸਮੇਂ ਵਿੱਚ ਲੀਬੀਆ ਨੂੰ ਹੋਰ ਦੇਸ਼ਾਂ ਤੋਂ ਵੀ ਵਿਦੇਸ਼ੀ ਮਦਦ ਵੀ ਮਿਲਣੀ ਸ਼ੁਰੂ ਹੋ ਗਈ ਹੈ।
ਡੇਰਨਾ ਅਤੇ ਪੂਰਬੀ ਸ਼ਹਿਰ ਬੇਂਗ਼ਾਜ਼ੀ ਨੂੰ ਮੁੜ ਖੜ੍ਹਾ ਕਰਨ ਲਈ 2.5 ਬਿਲੀਅਨ ਲੀਬੀਅਨ ਦਿਨਾਰ ਖ਼ਰਚ ਕੀਤੇ ਜਾਣਗੇ।
