15.14C Vancouver 15.14C VancouverJul 20, 2021 1:08 AM -
ਯੂਕੌਨ 'ਚ ਹੜ੍ਹਾਂ ਦਾ ਖਤਰਾ ਅਜੇ ਟਲਿਆ ਨਹੀਂ ਹੈ ਪਰ ਇਲਾਕੇ ਦੇ ਲੋਕਾਂ ਲਈ ਕੁਝ ਰਾਹਤ ਦੀ ਖਬਰ ਉਜਾਗਰ ਹੋਈ ਹੈ।
ਕਈ ਦਿਨਾਂ ਤੱਕ ਹੜ੍ਹਾਂ ਤੋਂ ਬਚਾਅ ਲਈ ਸੈਂਡਬੈਗ ਰੱਖਣ ਤੋਂ ਬਾਅਦ ਹੁਣ ਲੇਕ ਲੈਬਰਜ ਅਤੇ ਦੱਖਣੀ ਲੇਕਸ ਦੇ ਪਾਣੀਆਂ ਦਾ ਪੱਧਰ ਕੁਝ ਘਟਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹਨਾਂ ਇਲਾਕਿਆਂ ਲਈ ਹੜ੍ਹਾਂ ਦੀ ਚੇਤਾਵਨੀ ਹੁਣ ਵੀ ਜਾਰੀ ਹੈ ਪਰ ਯੂਕੌਨ ਦੇ ਐਮਰਜੈਂਸੀ ਮੈਯਰਸ ਔਰਗੇਨਾਈਜ਼ੇਸ਼ਨ ਦਾ ਕਹਿਣਾ ਹੈ ਕਿ ਪਾਣੀ ਦਾ ਪੱਧਰ ਕੁਝ ਕੁ ਘਟਿਆ ਹੈ।
ਦੱਸਿਆ ਗਿਆ ਕਿ ਬੈਨੇਟ, ਟੈਗਿਸ਼ ਅਤੇ ਮਾਰਚ ਲੇਕਸ ਦਾ ਪੱਧਰ ਹੁਣ ਵੀ 2007 ਦੇ ਰਿਕਾਰਡ ਪੱਧਰ ਤੋਂ ਕਰੀਬ 15 ਸੈਂਟੀਮੀਟਰ ਉੱਚਾ ਹੈ।
ਹਾਲਾਂਕਿ ਲੇਕ ਲੈਬਰਜ ਦਾ ਪਾਣੀ ਦਾ ਪੱਧਰ ਬੀਤੇ 24 ਘੰਟਿਆਂ 'ਚ ਕਰੀਬ ਡੇਢ ਸੈਂਟੀਮੀਟਰ ਘਟਿਆ ਹੈ।
ਇਸ ਲੇਕ ਦੇ ਪਾਣੀ ਦੇ ਪੱਧਰ ਨੂੰ ਸਾਲ 2007 ਦੇ ਰਿਕਾਰਡ ਪੱਧਰ ਤੋਂ 42 ਸੈਂਟੀਮੀਟਰ ਉੱਚਾ ਦੱਸਿਆ ਗਿਆ ਹੈ।
ਇਲਾਕੇ 'ਚ ਹੜ੍ਹਾਂ ਸੰਬੰਧੀ ਚੇਤਾਵਨੀਆਂ ਨੂੰ ਰੱਦ ਨਹੀਂ ਕੀਤਾ ਗਿਆ ਹੈ।
