11.01C Vancouver 11.01C VancouverSep 25, 2024 2:57 PM - Connect Newsroom
ਮੈਟਰੋ ਵੈਨਕੂਵਰ ਦੇ ਅਨਾਜ ਕਰਮਚਾਰੀਆਂ ਦੀ ਹੜਤਾਲ ਨੇ ਭੋਜਨ ਸਪਲਾਈ ਬਾਰੇ ਚਿੰਤਾਵਾਂ ਵਧਾ ਦਿੱਤੀਆਂ ਹਨ।
ਅਸਲ ਵਿਚ ਇਹ ਹੜਤਾਲ ਆਰਥਿਕਤਾ ਅਤੇ ਭੋਜਨ ਸਪਲਾਈ ਲਈ ਇੱਕ ਵੱਡਾ ਝਟਕਾ ਹੋ ਸਕਦੀ ਹੈ ਕਿਉਂਕਿ ਸਾਰੇ ਕੈਨੇਡਾ ਦਾ ਅੱਧੇ ਤੋਂ ਵੱਧ ਅਨਾਜ ਮੈਟਰੋ ਵੈਨਕੂਵਰ ਦੇ ਇਨ੍ਹਾਂ ਟਰਮਿਨਲਾਂ ਵਿਚੋਂ ਹੋ ਕੇ ਗੁਜ਼ਰਦਾ ਹੈ।
ਮੈਟਰੋ ਵੈਨਕੂਵਰ ਅਨਾਜ ਟਰਮੀਨਲ ਨਾਲ ਜੁੜੀ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਬੰਦਰਗਾਹਾਂ 'ਤੇ ਅਨਾਜ ਕਰਮਚਾਰੀ ਯੂਨੀਅਨ ਨੇ ਹੜਤਾਲ ਲਈ ਸਹੀ ਸਮੇਂ ਦਾ ਇੰਤਜ਼ਾਰ ਕੀਤਾ ਹੈ ਜਦ ਉਨ੍ਹਾਂ ਨੂੰ ਇਸ ਦਾ ਸਭ ਤੋਂ ਵੱਧ ਫਾਇਦਾ ਹੈ। ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਕਈ ਮਹੀਨਿਆਂ ਦੀ ਗੱਲਬਾਤ ਤੋਂ ਬਾਅਦ ਕਣਕ ਦੀ ਵਾਢੀ ਦੌਰਾਨ ਹੜਤਾਲ ਹੋ ਰਹੀ ਹੈ।
ਦੂਜੇ ਪਾਸੇ ਗੁਏਲਫ ਯੂਨੀਵਰਸਿਟੀ ਦੇ ਇਕ ਭੋਜਨ ਅਰਥ ਸ਼ਾਸਤਰੀ ਪ੍ਰੋਫੈਸਰ ਮਾਈਕਲ ਵਾਨ ਮੈਸੋ ਦਾ ਕਹਿਣਾ ਹੈ ਕਿ ਮੈਟਰੋ ਵੈਨਕੂਵਰ ਵਿਚ ਅਨਾਜ ਕਰਮਚਾਰੀ ਯੂਨੀਅਨ ਨੇ ਕਣਕ ਦੀ ਕਟਾਈ ਦੌਰਾਨ ਹੜਤਾਲ ਕਰਨ ਲਈ ਰਣਨੀਤਕ ਤੌਰ 'ਤੇ ਸਮਾਰਟ ਸਮਾਂ ਚੁਣਿਆ।
ਮੈਸੋ ਦਾ ਕਹਿਣਾ ਹੈ ਕਿ ਕਿਸਾਨਾਂ ਕੋਲ ਇਸ ਸਮੇਂ ਬਹੁਤ ਸਾਰੀ ਕਣਕ ਹੈ ਜਿਸ ਨੂੰ ਨਿਰਯਾਤ ਲਈ ਟਰਮੀਨਲਾਂ 'ਤੇ ਜਾਣ ਦੀ ਜ਼ਰੂਰਤ ਹੈ, ਜਿਸ ਨਾਲ ਸੌਦੇਬਾਜ਼ੀ ਦੀ ਮੇਜ਼ 'ਤੇ ਲਾਭ ਲੈਣ ਲਈ ਯੂਨੀਅਨ ਦਾ ਸਮਾਂ ਮਹੱਤਵਪੂਰਨ ਬਣ ਗਿਆ ਹੈ।
