16.34C Vancouver 16.34C VancouverApr 24, 2025 5:46 PM - Connect Newsroom
ਵੈਨਕੂਵਰ ਵਿਚ ਗਲੋਬਲ ਸੁਪਰਸਟਾਰ ਲਿਓਨਲ ਮੇਸੀ ਨੂੰ ਲੈ ਕੇ ਫੁੱਟਬਾਲ ਪ੍ਰਸ਼ੰਸਕਾਂ ਵਿਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਬੀ.ਸੀ. ਪਲੇਸ ਸਟੇਡੀਅਮ ਵਿਚ ਅੱਜ ਰਾਤ ਵੈਨਕੂਵਰ ਵ੍ਹਾਈਟਕੈਪਸ ਅਤੇ ਮਿਆਮੀ ਦੀ ਫੁੱਟਬਾਲ ਟੀਮ ਵਿਚਕਾਰ ਹੋਣ ਵਾਲੇ ਮੁਕਾਬਲੇ ਨੂੰ ਦੇਖਣ ਲਈ 52,000 ਤੋਂ ਵੱਧ ਲੋਕਾਂ ਦੇ ਆਉਣ ਦੀ ਉਮੀਦ ਜਤਾਈ ਜਾ ਰਹੀ ਹੈ, ਜਿਨ੍ਹਾਂ ਵਿਚੋਂ ਬਹੁਤੇ ਪ੍ਰਸ਼ੰਸਕ ਫੁੱਟਬਾਲ ਦੇ ਦਿੱਗਜ ਖਿਡਾਰੀ ਲਿਓਨਲ ਮੇਸੀ ਨੂੰ ਵੈਨਕੂਵਰ ਵਿਚ ਖੇਡਦੇ ਦੇਖਣ ਦੀ ਸੰਭਾਵਨਾ ਨੂੰ ਲੈ ਕੇ ਆ ਰਹੇ ਹਨ। ਮੇਸੀ ਬੁੱਧਵਾਰ ਵੈਨਕੂਵਰ ਵਿਚ ਪਹੁੰਚੇ ਸਨ।
ਫੁੱਟਬਾਲ ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਉਹ ਵੀਰਵਾਰ ਰਾਤ ਨੂੰ ਵੈਨਕੂਵਰ ਵ੍ਹਾਈਟਕੈਪਸ ਖਿਲਾਫ ਮੈਦਾਨ ਵਿਚ ਹੋਣਗੇ। ਹਾਲਾਂਕਿ, ਹੁਣ ਤੱਕ ਇਸ ਦੀ ਪੁਸ਼ਟੀ ਨਹੀਂ ਹੋਈ ਕਿ ਮੇਸੀ ਮੈਚ ਖੇਡਣਗੇ ਜਾਂ ਨਹੀਂ।
ਗੌਰਤਲਬ ਹੈ ਕਿ ਵੈਨਕੂਵਰ ਵ੍ਹਾਈਟਕੈਪਸ ਅਤੇ ਇੰਟਰ ਮਿਆਮੀ ਸੀ.ਐਫ ਵਿਚਕਾਰ ਕੋਨਕੈਫ ਚੈਂਪੀਅਨਜ਼ ਕੱਪ ਸੈਮੀਫਾਈਨਲ ਦੇ ਪਹਿਲੇ ਦੌਰ ਦਾ ਮੈਚ ਬੀ.ਸੀ. ਪਲੇਸ ਵਿਖੇ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ। ਇਸ ਤੋਂ ਬਾਅਦ ਦੂਜਾ ਮੈਚ ਮਿਆਮੀ ਵਿਚ ਖੇਡਿਆ ਜਾਣਾ ਹੈ।
