13.41C Vancouver 13.41C VancouverSep 10, 2020 5:32 PM -
ਔਨਟੈਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਦਾ ਕਹਿਣਾ ਹੈ ਕਿ ਦੇਸ਼ ਦਾ ਕੁਆਰਨਟੀਨ ਸਿਸਟਮ ਸਹੀ ਨਹੀਂ ਹੈ, ਕਿਉਂਕਿ ਫੈਡਰਲ ਸਿਹਤ ਅਧਿਕਾਰੀਆਂ ਦੁਆਰਾ ਕੋਵਿਡ-19 ਦੇ ਸੈਲਫ਼-ਆਈਸੋਲੇਸ਼ਨ ਆਦੇਸ਼ਾਂ ਦੀ ਉਲੰਘਣਾ ਕਰਨ ਵਾਲੇ ਕਿਸੇ ਨੂੰ ਵੀ ਚਾਰਜ ਨਹੀਂ ਕੀਤੇ ਜਾ ਰਿਹਾ।
ਮਾਰਚ ਦੇ ਅੰਤ ਤੋਂ ਲੈਕੇ ਹੁਣ ਤੱਕ ਫੈਡਰਲ ਕੁਆਰਨਟੀਨ ਐਕਟ ਅਧੀਨ ਬਾਹਰਲੇ ਦੇਸ਼ਾਂ ਤੋਂ ਆ ਰਹੇ ਯਾਤਰੀਆਂ ਨੂੰ ਆਪਣੇ ਆਪ ਨੂੰ 14 ਦਿਨਾਂ ਲਈ ਸੈਲਫ਼-ਆਈਸੋਲੇਟ ਕਰਨਾ ਲਾਜ਼ਮੀ ਹੈ, ਨਹੀਂ ਤਾਂ ਉਨ੍ਹਾਂ ਨੂੰ ਫੈਡਰਲ ਕੁਆਰਨਟੀਨ ਅਧਿਕਾਰੀਆਂ ਦੁਆਰਾ ਲਾਏ ਚਾਰਜਿਜ਼ ਹੇਠ 6 ਮਹੀਨਿਆਂ ਦੀ ਜੇਲ੍ਹ ਅਤੇ $750,000 ਤੱਕ ਦਾ ਜੁਰਮਾਨਾ ਹੋ ਸਕਦਾ ਹੈ।
ਇਨ੍ਹਾਂ ਲੋਕਾਂ ਨੂੰ ਪੁਲਿਸ ਵਿਚ $1,000 ਤੱਕ ਦੀ ਟਿਕੇਟ ਜਾਰੀ ਕਰ ਸਕਦੀ ਹੈ।
ਫੈਡਰਲ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਅਜੇ ਤੱਕ ਕਿਸੇ ਨੂੰ ਵੀ ਕੁਆਰਨਟੀਨ ਆਦੇਸ਼ਾਂ ਦੀ ਅਣਗਿਹਲੀ ਕਰਦੇ ਹੋਏ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ।
ਹਾਲਾਂਕਿ ਇੱਕ ਵਿਅਕਤੀ ਨੂੰ ਅਦਾਲਤ ਵਿਚ ਪੇਸ਼ ਹੋਣ ਲਈ ਸੰਮਨ ਭੇਜੇ ਗਏ ਹਨ ਅਤੇ 42 ਲੋਕਾਂ ਨੂੰ ਪੁਲਿਸ ਵੱਲੋਂ ਟਿਕੇਟ ਦਿੱਤੀ ਜਾ ਚੁੱਕੀ ਹੈ।
ਫੋਰਡ ਦਾ ਕਹਿਣਾ ਹੈ ਕਿ ਓਨਟੈਰੀਓ ਪੁਲਿਸ ਦੁਆਰਾ ਕੀਤੇ ਜਾਣ ਵਾਲੇ ਚੈੱਕਸ ਵਿਚ 622 ਕੁਆਰਨਟੀਨ ਆਦੇਸ਼ਾਂ ਦੀ ਉਲੰਘਣਾਵਾਂ ਪਾਈਆਂ ਗਈਆਂ ਹਨ ਅਤੇ ਉਹ ਫੈਡਰਲ ਚਾਰਜਿਜ਼ ਦੀ ਕਮੀ ਕਾਰਨ ਪਰੇਸ਼ਾਨ ਹਨ।
ਉਧਰ ਫੈਡਰਲ ਸਿਹਤ ਮੰਤਰੀ ਪੈਟੀ ਹਾਇਡੂ ਦੇ ਬੁਲਾਰੇ ਮੁਤਾਬਕ ਨਿਯਮ ਸਪਸ਼ਟ ਹਨ ਅਤੇ ਨਿਯਮ ਤੋੜਨ ਵਾਲਿਆਂ ਵਾਸਤੇ ਇਨਫੋਰਸਮੈਂਟ ਪ੍ਰੋਸੀਜਰਜ਼ ਦਾ ਵੀ ਧਿਆਨ ਰੱਖਿਆ ਜਾ ਰਿਹਾ ਹੈ।
