24.34C Vancouver 24.34C VancouverJan 13, 2021 9:33 PM -
ਔਂਟੈਰੀਓ 'ਚ ਫੋਰਡ ਸਰਕਾਰ ਨੇ ਨਵੇਂ ਜਾਰੀ 'ਸਟੇਅ ਐਟ ਹੋਮ' ਨਿਰਦੇਸ਼ਾਂ ਯਾਨੀ ਕਿ ਘਰ 'ਚ ਰਹਿਣ ਦੇ ਨਿਰਦੇਸ਼ਾਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
ਇਸ ਨਵੇਂ ਨਿਯਮ ਤਹਿਤ ਲੋਕਾਂ ਨੂੰ ਕਿਸੇ ਵੀ ਗੈਰ-ਜ਼ਰੂਰੀ ਕੰਮ ਲਈ ਘਰ ਤੋਂ ਨਿਕਲਣ 'ਤੇ ਰੋਕ ਲਗਾਈ ਗਈ ਹੈ।
ਹਾਲਾਂਕਿ ਇੱਕ ਪਾਸੇ ਕੁਝ ਰਿਟੇਲਰਸ ਨੂੰ ਆਪਣੇ ਵਪਾਰ ਖੋਲ੍ਹਣ ਦੀ ਇਜਾਜ਼ਤ ਦਿੱਤੀ ਗਈ ਹੈ, ਪਰ ਲੋਕਾਂ ਨੂੰ ਵਪਾਰਾਂ ਤੱਕ ਪਹੁੰਚ ਕਰਨ ਤੋਂ ਰੋਕਿਆ ਜਾ ਰਿਹਾ ਹੈ।
ਅਜਿਹੇ 'ਚ ਲੋਕ ਪੁੱਛ ਰਹੇ ਹਨ ਕਿ ਆਖਿਰ ਘਰੋਂ ਕਦੋਂ ਨਿਕਲਿਆ ਜਾਵੇ।
ਪ੍ਰੀਮਿਅਰ ਫੋਰਡ ਦਾ ਕਹਿਣਾ ਹੈ ਕਿ ਸਿਰਫ ਗਰੋਸਰੀ ਸ਼ੌਪਿੰਗ ਜਾਂ ਹੈਲਥ ਕੇਅਰ ਸੁਵਿਧਾਵਾਂ ਲਈ ਘਰ ਤੋਂ ਨਿਕਲਿਆ ਜਾਵੇ।
ਇਹ ਨਿਰਦੇਸ਼ ਬੁੱਧਵਾਰ ਤੜਕੇ 12.01 ਤੋਂ ਲਾਗੂ ਹੋ ਗਏ ਹਨ।
ਹਾਲਾਂਕਿ ਇਸ 'ਚ ਕੁਝ ਢਿੱਲ ਜ਼ਰੂਰ ਹੋਵੇਗੀ ਜਿਸ ਦੌਰਾਨ ਹੈਲਥ ਕੇਅਰ, ਗਰੋਸਰੀ ਸ਼ੌਪਿੰਗ ਜਿਹੀਆਂ ਗਤੀਵਿਧੀਆਂ ਜਾਰੀ ਰੱਖੀਆਂ ਜਾ ਸਕਣਗੀਆਂ।
ਅੱਜ ਔਂਟੈਰੀਓ 'ਚ ਅੱਜ ਕੋਵਿਡ-19 ਦੇ 2,961 ਮਾਮਲੇ ਰਿਪੋਰਟ ਹੋਏ ਹਨ।
ਸੂਬੇ 'ਚ 74 ਮੌਤਾਂ ਵੀ ਰਿਪੋਰਟ ਹੋਈਆਂ ਹਨ।
