12.04C Vancouver 12.04C VancouverApr 30, 2021 7:24 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਫੈਡਰਲ ਸਰਕਾਰ ਔਂਟੈਰੀਓ ਦੀ ਉਸ ਮੰਗ 'ਤੇ ਗੌਰ ਕਰੇਗੀ ਕਿ ਸੂਬੇ 'ਚ ਪਹੁੰਚ ਰਹੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੇ ਆਉਣ 'ਤੇ ਪਬੰਦੀ ਲਗਾਈ ਜਾਵੇ।
ਉਨ੍ਹਾਂ ਕਿਹਾ ਕਿ ਫੈਡਰਲ ਸਰਕਾਰ ਦਾ ਫਿਲਹਾਲ ਅਜਿਹਾ ਕੋਈ ਫੈਸਲਾ ਲੈਣ ਦਾ ਵਿਚਾਰ ਨਹੀਂ ਹੈ ਪਰ ਉਨ੍ਹਾਂ ਕਿਹਾ ਕਿ ਔਂਟੈਰੀਓ ਦੇ ਨਾਲ ਮਿਲ ਕੇ ਇਸ 'ਤੇ ਵਿਚਾਰ ਕੀਤਾ ਜਾਵੇਗਾ।
ਟਰੂਡੋ ਨੇ ਦੱਸਿਆ ਕਿ ਸੂਬੇ ਦੇ ਪ੍ਰੀਮਿਅਰ ਡਗ ਫੋਰਡ ਨੇ ਇਹ ਮੰਗ ਬੀਤੀ ਰਾਤ ਦੀ 'ਫਰਸਟ ਮਿਨਿਸਟਰ ਬੈਠਕ' ਵਿੱਚ ਰੱਖੀ ਸੀ।
ਔਂਟੈਰੀਓ ਨੇ ਫੈਡਰਲ ਸਰਕਾਰ ਨੂੰ ਇਹ ਵੀ ਮੰਗ ਕੀਤੀ ਹੈ ਕਿ ਜ਼ਮੀਨੀ ਯਾਤਰਾ ਸੰਬੰਧੀ ਬਾਰਡਰਾਂ ਨੂੰ ਟੱਪਣ ਵਾਲਿਆਂ 'ਤੇ ਵੀ 3 ਦਿਨ ਦੇ ਹੋਟਲ ਕੁਆਰੰਟੀਨ ਦੇ ਐਕਟ ਲਾਗੂ ਕੀਤੇ ਜਾਣ।
ਹਾਲਾਂਕਿ ਟਰੂਡੋ ਦਾ ਕਹਿਣਾ ਹੈ ਕਿ ਬਾਰਡਰਾਂ 'ਤੇ ਪਹਿਲਾਂ ਹੀ ਸਖਤ ਨਿਰਦੇਸ਼ਾਂ ਦੇ ਪਾਲਣਾ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਕਿਸੇ ਵੀ 'ਲੈਂਡ ਕ੍ਰੌਸਿੰਗ' 'ਤੇ ਪਹੁੰਚ ਕਰਨ ਵਾਲਿਆਂ ਨੂੰ ਆਪਣੇ 72 ਘੰਟੇ ਵਿਚਾਲੇ ਦੇ ਨੈਗੇਟਿਵ ਕੋਵਿਡ-19 ਨਤੀਜੇ ਵਿਖਾਉਣੇ ਜ਼ਰੂਰੀ ਹਨ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ 2 ਹਫ਼ਤੇ ਲਈ ਕੁਆਰੰਟੀਨ ਕਰਨਾ ਵੀ ਜ਼ਰੂਰੀ ਹੈ।
