18.02C Vancouver 18.02C VancouverMar 21, 2022 7:19 PM - The Canadian Press
ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਮੈਲਨੀ ਜੋਲੀ ਦਾ ਕਹਿਣਾ ਹੈ ਕਿ ਕੈਨੇਡਾ ਨੂੰ ਪੁਖਤਾ ਕਰਨ ਦੀ ਲੋੜ ਹੈ ਕਿ ਯੂਕਰੇਨ, ਰੂਸ ਨਾਲ ਜਾਰੀ ਜੰਗ 'ਚ ਜਿੱਤ ਦਰਜ ਕਰੇ।
ਉਨ੍ਹਾਂ ਕਿਹਾ ਕਿ ਵਿਸ਼ਵ 'ਚ ਵਧੇਰੇ ਸਟੇਬਿਲਿਟੀ ਲਈ ਅਜਿਹਾ ਹੋਣਾ ਜਰੂਰੀ ਹੈ। ਜੋਲਿ ਨੇ ਮੌਂਟਰੀਅਲ 'ਚ ਇੱਕ ਭਾਸ਼ਣ ਦੌਰਾਨ ਇਹ ਗੱਲ ਆਖੀ।
ਇਸ ਦੇ ਨਾਲ ਹੀ ਉਨ੍ਹਾਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਜਲਦੀ ਹੀ ਰੂਸ ਖਿਲਾਫ ਵਧੇਰੇ ਸੈਂਕਸ਼ਨਸ ਦਾ ਐਲਾਨ ਕੀਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਰੂਸ 'ਤੇ ਲਗਾਏ ਜਾ ਰਹੇ ਸੈਂਕਸ਼ਨਸ, ਕੈਨੇਡਾ ਦੀ ਉਸ ਕੋਸ਼ਿਸ਼ ਦਾ ਹਿੱਸਾ ਹਨ, ਜਿਸ ਤਹਿਤ ਰੂਸ ਨੂੰ ਵੱਧ ਤੋਂ ਵੱਧ ਆਈਸੋਲੇਟ ਕਰਨ ਦੀ ਕੋਸ਼ਿਸ਼ ਹੋ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ 'ਤੇ ਵੀ ਦਬਾਅ ਬਣਾਉਣ ਦੀ ਕੋਸ਼ਿਸ਼ ਹੈ ਕਿ ਯੂਕਰੇਨ 'ਤੇ ਹਮਲਾ ਰੋਕਿਆ ਜਾਵੇ।
ਯਾਦ ਰਹੇ ਹੁਣ ਤਕ ਯੂਕਰੇਨ ਦੇ 3.38 ਮਿਲੀਅਨ ਲੋਕ ਦੇਸ਼ ਛੱਡਣ ਲਈ ਮਜਬੂਰ ਹੋ ਚੁੱਕੇ ਹਨ।
