18.89C Vancouver 18.89C VancouverNov 15, 2024 4:00 PM - The Canadian Press
ਕੈਨੇਡਾ ਵਿਚ ਵਿਦੇਸ਼ੀ ਦਖ਼ਲ ਬਾਰੇ ਫਾਈਨਲ ਜਾਂਚ ਰਿਪੋਰਟ ਇੱਕ ਮਹੀਨਾ ਲੇਟ ਕਰ ਦਿੱਤੀ ਗਈ ਹੈ। ਇਸ ਮਾਮਲੇ ਵਿਚ ਕਮਿਸ਼ਨਰ ਮੈਰੀ-ਜੋਸੀ ਹੋਗ ਦੀ ਅੰਤਿਮ ਰਿਪੋਰਟ ਹੁਣ ਜਨਵਰੀ ਦੇ ਅੰਤ ਤੱਕ ਆਵੇਗੀ।
ਟਰੂਡੋ ਸਰਕਾਰ ਨੇ ਕਮਿਸ਼ਨ ਨੂੰ ਜਾਂਚ ਪੂਰਾ ਕਰਨ ਲਈ ਇੱਕ ਵਾਧੂ ਮਹੀਨਾ ਦੇਣ ਦੀ ਮਨਜ਼ੂਰੀ ਦਿੱਤੀ ਹੈ। ਪਹਿਲਾਂ ਇਹ ਰਿਪੋਰਟ ਇਸ ਸਾਲ ਦਸੰਬਰ ਵਿਚ ਆਉਣੀ ਸੀ।
ਲੋਕਤੰਤਰੀ ਸੰਸਥਾਵਾਂ ਦੇ ਮੰਤਰੀ ਡੋਮਿਨਿਕ ਲੇਬਲੈਂਕ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਜਾਂਚ ਕਮਿਸ਼ਨ ਦੀ ਪ੍ਰਮੁੱਖ ਹੋਗ ਨੇ ਪ੍ਰੀਵੀ ਕੌਂਸਲ ਦਫਤਰ ਨੂੰ ਪੱਤਰ ਲਿਖ ਕੇ ਹੋਰ ਸਮਾਂ ਮੰਗਿਆਂ ਸੀ ਅਤੇ ਸਰਕਾਰ ਨੇ ਇਸ ਦੇ ਸਹਿਮਤੀ ਦੇ ਦਿੱਤੀ।
ਲੇਬਲੈਂਕ ਨੇ ਕਿਹਾ ਕਿ ਵਿਦੇਸ਼ੀ ਦਖ਼ਲ ਸਬੰਧੀ ਰਿਪੋਰਟ ਵਿਚ ਦੇਰੀ ਬਾਰੇ ਵਿਰੋਧੀ ਪਾਰਟੀਆਂ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ।
ਕਮਿਸ਼ਨ ਵਲੋਂ ਫਾਈਨਲ ਜਾਂਚ ਰਿਪੋਰਟ ਵਿਚ ਸਰਕਾਰ ਨੂੰ ਵਿਦੇਸ਼ੀ ਦਖਲਅੰਦਾਜ਼ੀ ਨਾਲ ਨਜਿੱਠਣ ਵਿਚ ਏਜੰਸੀਆਂ ਦੀਆਂ ਕਮਜ਼ੋਰੀਆਂ ਅਤੇ ਇਨ੍ਹਾਂ ਨੂੰ ਮਜਬੂਤ ਬਣਾਉਣ ਦੀਆਂ ਸਿਫਾਰਸ਼ਾਂ ਸੌਂਪੀਆਂ ਜਾਣਗੀਆਂ। ਕਮਿਸ਼ਨ ਨੇ ਇਸ ਸਬੰਧੀ ਕਈ ਨੀਤੀ ਗੋਲ ਟੇਬਲ ਬੈਠਕਾਂ ਕੀਤੀਆਂ ਹਨ।
