11.85C Vancouver 11.85C VancouverMay 26, 2022 7:10 PM - The Canadian Press
ਬੀ.ਸੀ. ਲੈਜਿਸਲੇਚਰ ਦੇ ਸਾਬਕਾ ਕਲਰਕ ਨੂੰ ਫਰੌਡ ਅਤੇ ਬਰੀਚ ਆਫ ਟ੍ਰਸਟ ਯਾਨੀ ਕਿ ਵਿਸ਼ਵਾਸ ਤੋੜਨ ਦੇ ਦੋਸ਼ਾਂ ਤਹਿਤ 4 ਜੁਲਾਈ ਨੂੰ ਸਜਾ ਸੁਣਾਈ ਜਾਵੇਗੀ।
ਕਲਰਕ ਨੂੰ ਇਨ੍ਹਾਂ ਇਲਜਾਮਾਂ 'ਚ 19 ਮਈ ਦੀ ਸੁਣਵਾਈ ਦੌਰਾਨ ਦੋਸ਼ੀ ਪਾਇਆ ਗਿਆ ਸੀ।
ਮਾਮਲਾ ਕਲਰਕ ਨਾਲ ਸੰਬੰਧਤ ਇਮਪਰੌਪਰ ਸਪੈਂਡਿੰਗ ਯਾਨੀ ਕਿ ਗਲਤ ਢੰਗ ਦੇ ਖਰਚਿਆਂ ਨਾਲ ਸੰਬੰਧਤ ਸੀ।
ਕਰੈਗ ਜੇਮਸ ਨੂੰ ਸੈਂਕੜੇ ਡਾਲਰਾਂ ਦੇ ਕੱਪੜੇ ਖਰੀਦਣ ਸੰਬੰਧੀ ਬਰੀਚ ਆਫ ਟਰਸਟ ਅਤੇ ਫਰੌਡ ਦਾ ਦੋਸ਼ੀ ਪਾਇਆ ਗਿਆ।
ਇਸ ਦੌਰਾਨ $1,800 ਤੋਂ ਵਧੇਰੇ ਦੇ ਕੱਪੜੇ ਖਰੀਦਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਯਾਦ ਰਹੇ ਖੁਦ ਨੂੰ ਬੇਕਸੂਰ ਦੱਸਣ ਵਾਲੇ ਕਲਰਕ ਨੇ ਸਾਲ 2019 'ਚ ਅਸਤੀਫਾ ਦੇ ਦਿੱਤਾ ਸੀ।
ਕਲਰਕ ਨੂੰ $2,58,000 ਦੇ ਰਿਟਾਇਰਮੈਂਟ ਬੈਨੀਫਿਟਸ ਸੰਬੰਧੀ 3 ਹੋਰ ਬਰੀਚ ਆਫ ਟਰਸਟ ਦੇ ਮਾਮਲਿਆਂ 'ਚ ਦੋਸ਼ੀ ਨਹੀਂ ਠਿਹਰਾਇਆ ਗਿਆ ਸੀ।
ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਐਸੋਸੀਏਟ ਚੀਫ਼ ਜਸਟਿਸ ਹੈਦਰ ਹੋਮਸ ਨੇ 19 ਮਈ ਨੂੰ ਕਿਹਾ ਸੀ ਕਿ ਜੇਮਸ ਤੋਂ ਉਨ੍ਹਾਂ ਦੇ ਅਹੁਦੇ ਅਨੁਸਾਰ ਉੱਚੇ ਕੰਡਕਟ ਦੀ ਆਸ ਕੀਤੀ ਜਾਂਦੀ ਸੀ ਅਤੇ ਉਨ੍ਹਾਂ ਇਸ ਪਬਲਿਕ ਅਹੁਦੇ ਦਾ ਗੰਭੀਰ ਢੰਗ ਨਾਲ ਗਲਤ ਇਸਤੇਮਾਲ ਕਰਦੇ ਹੋਏ ਡਰੈਸ ਸ਼ਰਟ, ਟਾਈਸ ਅਤੇ ਸੂਟ ਖਰੀਦੇ।
ਇਹ ਖਰੀਦ ਅਗਸਤ 2018 ਨਾਲ ਸੰਬੰਧਤ ਦੱਸੀ ਗਈ।
