20.31C Vancouver 20.31C VancouverOct 17, 2020 1:29 AM -
ਬੀ.ਸੀ. ਲਿਬਰਲ ਪਾਰਟੀ ਦੇ ਚਿਲਿਵੈਕ-ਕੈਂਟ ਰਾਈਡਿੰਗ ਤੋਂ ਉਮੀਦਵਾਰ ਲੌਰੀ ਥਰੌਨੈਸ ਨੇ ਕੱਲ ਬੀ.ਸੀ. ਲਿਬਰਲ ਕੌਕਸ ਤੋਂ ਅਸਤੀਫਾ ਦੇਣ ਤੋਂ ਬਾਅਦ, ਅੱਜ ਐਲਾਨ ਕੀਤਾ ਹੈ ਕਿ ਉਹ ਬਤੌਰ ਇੰਡੀਪੈਂਡੈਂਟ ਉਮੀਦਵਾਰ ਚੋਣਾਂ ਲੜਨ ਜਾ ਰਹੇ ਹਨ।
ਉਨ੍ਹਾਂ ਆਪਣੇ 'ਯੂਜੈਨਿਕਸ' ਸੰਬੰਧੀ ਬਿਆਨ ਬਾਰੇ ਮੁਆਫੀ ਮੰਗੀ ਹੈ ਅਤੇ ਕਿਹਾ ਹੈ ਕਿ ਜੇਕਰ ਉਹ ਮੁੜ ਚੋਣਾਂ ਜਿੱਤਦੇ ਹਨ ਤਾਂ ਬਤੌਰ ਇੰਡੀਪੈਂਡੈਂਟ ਬੈਠਣਗੇ।
ਥਰੌਨੈਸ ਨੇ ਇਸ ਸੰਬੰਧੀ ਐਲਾਨ ਇੱਕ ਫੇਸਬੁੱਕ ਪੋਸਟ 'ਚ ਕੀਤਾ ਹੈ।
ਯਾਦ ਰਹੇ ਇੱਕ ਆਲ-ਕੈਂਡੀਡੇਟਸ ਡਿਬੇਟ ਦੌਰਾਨ ਉਨ੍ਹਾਂ ਐਨ.ਡੀ.ਪੀ. ਦੇ ਫ੍ਰੀ ਕੌਂਟਰਾਸੈਪਸ਼ਨ ਪਲੈਨ ਸੰਬੰਧੀ ਕੁਝ ਵਿਵਾਦਿਤ ਟਿੱਪਣੀਆਂ ਕਰ ਦਿੱਤੀਆਂ ਸਨ।
ਥਰੌਨੈਸ ਨੇ ਇੱਕ ਟਿੱਪਣੀ 'ਚ ਕਿਹਾ ਸੀ ਕਿ, "ਇਸ ਦੇ ਵਿੱਚ ਪੁਰਾਣੇ ਯੂਜੈਨਿਕਸ ਜਿਹਾ ਕੁਝ ਵਿਖਾਈ ਦਿੰਦਾ ਹੈ, ਜਿੱਥੇ ਮੰਨਿਆ ਜਾਂਦਾ ਹੈ ਕਿ, ਗਰੀਬ ਲੋਕਾਂ ਦੇ ਬੱਚੇ ਨਹੀਂ ਹੋਣੇ ਚਾਹੀਦੇ। ਉਨ੍ਹਾਂ 'ਤੇ ਕੌਂਟਰਾਸੈਪਸ਼ਨ ਲਈ ਦਬਾਅ ਨਹੀਂ ਬਣਾ ਸਕਦੇ, ਤੇ ਇਸਲਈ ਇਨ੍ਹਾਂ ਨੂੰ ਮੁਫਤ 'ਚ ਉਪਲਬਧ ਕਰਵਾਇਆ ਜਾ ਰਿਹਾ ਹੈ।"
ਇਨ੍ਹਾਂ ਟਿੱਪਣੀਆਂ ਤੋਂ ਬਾਅਦ ਬੀ.ਸੀ. ਲਿਬਰਲ ਪਾਰਟੀ ਲੀਡਰ ਐਂਡਰਿਊ ਵਿਲਕਿੰਸਨ ਨੇ ਕਿਹਾ ਸੀ ਕਿ ਇਹ ਟਿੱਪਣੀਆਂ, ਨਾ ਤਾਂ ਪਾਰਟੀ ਦੀ ਤੇ ਨਾ ਹੀ ਉਨ੍ਹਾਂ ਦੀ ਆਪਣੀ ਵਿਚਾਰਧਾਰਾ ਨਾਲ ਮੇਲ ਖਾਂਦੀਆਂ ਸਨ।
