16.42C Vancouver 16.42C VancouverApr 20, 2021 8:31 PM -
ਬੀ.ਸੀ. ਦੀ ਸਾਬਕਾ ਪ੍ਰੀਮਿਅਰ ਕ੍ਰਿਸਟੀ ਕਲਾਰਕ ਨੇ ਅੱਜ ਬੀ.ਸੀ. ਮਨੀ ਲੌਂਡਰਿੰਗ ਇੰਕਵਾਇਰੀ 'ਚ ਗਵਾਹੀ ਦਿੱਤੀ ਹੈ।
ਕਲਾਰਕ ਨੇ ਸਾਲ 2011 ਤੋਂ 2017 ਵਿਚਾਲੇ ਬੀ.ਸੀ. 'ਚ ਲਿਬਰਲ ਸਰਕਾਰ ਦੀ ਸੱਤਾ ਸੰਭਾਲੀ ਸੀ।
ਕਈ ਐਨ.ਡੀ.ਪੀ. ਰਿਪੋਰਟਸ 'ਚ ਕਿਹਾ ਗਿਆ ਹੈ ਕਿ ਇਸੇ ਸਮੇਂ ਦੌਰਾਨ ਬੀ.ਸੀ. 'ਚ ਕਸੀਨੋਸ, ਰੀਅਲ ਐਸਟੇਟ ਅਤੇ ਲਗਜ਼ਰੀ ਗੱਡੀਆਂ ਦੀ ਇੰਡਸਟਰੀ 'ਚ ਮਨੀ ਲੌਂਡਰਿੰਗ 'ਚ ਵਾਧਾ ਹੋਇਆ ਸੀ।
ਕਲਾਰਕ ਨੇ ਦੱਸਿਆ ਕਿ ਉਨ੍ਹਾਂ ਪਹਿਲੀ ਵਾਰ ਬੀ.ਸੀ. ਕਸੀਨੋਸ 'ਚ ਸ਼ੱਕੀ ਪੈਸੇ ਦਾ ਸ਼ਾਮਿਲ ਹੋਣ ਬਾਰੇ ਸਾਲ 2015 'ਚ ਸੁਣਿਆ ਸੀ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਬਾਅਦ ਉਨ੍ਹਾਂ ਦੀ ਸਰਕਾਰ ਨੇ ਜਲਦੀ ਐਕਸ਼ਨ ਲੈਂਦਿਆਂ ਐਂਟੀ ਮਨੀ-ਲੌਂਡਰਿੰਗ ਨੀਤੀਆਂ ਲਾਗੂ ਕੀਤੀਆਂ ਸਨ।
ਯਾਦ ਰਹੇ ਇਸ ਕਮਿਸ਼ਨ ਦੀ ਅਗਵਾਈ ਸਾਬਕਾ ਬੀ.ਸੀ. ਸੁਪ੍ਰੀਮ ਕੋਰਟ ਜਸਟਿਸ, ਔਸਟਿਨ ਕੁਲਨ ਕਰ ਰਹੇ ਹਨ।
ਇਸੇ ਹਫ਼ਤੇ ਸਾਬਕਾ ਅਟੌਰਨੀ ਜਨਰਲ ਅਤੇ ਜਸਟਿਸ ਮੰਤਰੀ, ਸ਼ਰਲੀ ਬੌਂਡ, ਅਤੇ ਸਾਬਕਾ ਵਿੱਤ ਮੰਤਰੀ ਮਾਈਕ ਡੀ ਜੌਂਗ ਵੀ ਟੈਸਟੀਫਾਈ ਕਰਨਗੇ।
