ਕੈਨੇਡਾ ਦੇ ਸਾਬਕਾ ਓਲੰਪਿਕ ਸਨੋਬੋਰਡਰ ਰਿਆਨ ਵੈਡਿੰਗ ਗ੍ਰਿਫਤਾਰ

ਕੈਨੇਡਾ ਦੇ ਓਲੰਪਿਕ ਸਨੋਬੋਰਡਰ ਤੋਂ ਡਰੱਗ ਸਰਗਨਾ ਬਣੇ ਰਿਆਨ ਵੈਡਿੰਗ ਨੂੰ ਆਖਰਕਾਰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਰਿਆਨ ਐਫ.ਬੀ.ਆਈ. ਦੇ 10 ਮੋਸਟ ਵਾਂਟੇਡ ਭਗੌੜਿਆਂ ਦੀ ਸੂਚੀ ਵਿਚ ਸ਼ਾਮਲ ਸੀ ਅਤੇ ਗ੍ਰਿਫਤਾਰੀ ਤੋਂ ਪਹਿਲਾਂ ਮੈਕਸੀਕੋ ਦੇ ਸਿਨਾਲੋਆ ਕਾਰਟੈਲ ਦੀ ਸੁਰੱਖਿਆ ਹੇਠ ਰਹਿ ਰਿਹਾ ਸੀ।

ਰਿਪੋਰਟ ਅਨੁਸਾਰ, 44 ਸਾਲਾ ਰਿਆਨ ਵੈਡਿੰਗ 'ਤੇ ਅਮਰੀਕਾ ਵਿਚ ਇੱਕ ਅੰਤਰਰਾਸ਼ਟਰੀ ਨਸ਼ਾ ਤਸਕਰੀ ਸੰਗਠਨ ਚਲਾਉਣ ਦਾ ਦੋਸ਼ ਹੈ, ਜੋ ਮੈਕਸੀਕੋ ਤੋਂ ਸੈਮੀਟਰੱਕਾਂ ਰਾਹੀਂ ਲਗਭਗ 60 ਮੀਟ੍ਰਿਕ ਟਨ ਕੋਕੇਨ ਸਾਲਾਨਾ ਲਾਸ ਏਂਜਲਸ ਵਿਚ ਇੰਪੋਰਟ ਕਰਦਾ ਸੀ।

ਐਫ.ਬੀ.ਆਈ.ਡਾਇਰੈਕਟਰ ਕੈਸ਼ ਪਟੇਲ ਨੇ ਉਸ ਦੀ ਤੁਲਨਾ ਨਸ਼ਾ ਤਸਕਰ ਪਾਬਲੋ ਐਸਕੋਬਾਰ ਨਾਲ ਕੀਤੀ ਸੀ। ਉਸ ਨੂੰ ਪਿਛਲੇ ਸਾਲ ਮਾਰਚ ਵਿਚ ਐਫ.ਬੀ.ਆਈ. ਦੀ ਸਭ ਤੋਂ ਵੱਧ ਲੋੜੀਂਦੇ ਭਗੌੜਿਆਂ ਦੀ ਸੂਚੀ ਵਿਚ ਸ਼ਾਮਲ ਕੀਤਾ ਗਿਆ ਸੀ। ਉਸ ਦੀ ਗ੍ਰਿਫਤਾਰੀ ਤੱਕ ਪਹੁੰਚਾਉਣ ਵਾਲੀ ਜਾਣਕਾਰੀ ਦੇਣ ਵਾਲੇ ਲਈ $15 ਮਿਲੀਅਨ ਦਾ ਇਨਾਮ ਵੀ ਰੱਖਿਆ ਗਿਆ ਸੀ।