12.5C Vancouver 12.5C VancouverMay 27, 2022 5:34 PM - ANI
ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਓਮ ਪ੍ਰਕਾਸ਼ ਚੌਟਾਲਾ ਨੂੰ ਰਾਊਸ ਐਵੇਨਿਊ ਕੋਰਟ ਨੇ ਕੇਂਦਰੀ ਜਾਂਚ ਬਿਊਰੋ (ਸੀ. ਬੀ. ਆਈ.) ਵੱਲੋਂ ਦਾਇਰ ਆਮਦਨ ਤੋਂ ਵੱਧ ਜਾਇਦਾਦ ਮਾਮਲੇ ਵਿਚ 4 ਸਾਲ ਦੀ ਸਜ਼ਾ ਸੁਣਾਈ ਹੈ।
ਓਮ ਪ੍ਰਕਾਸ਼ ਚੌਟਾਲਾ ਦੀਆਂ ਚਾਰ ਜਾਇਦਾਦਾਂ ਨੂੰ ਜ਼ਬਤ ਕਰਨ ਦੇ ਨਾਲ-ਨਾਲ 50 ਲੱਖ ਰੁਪਏ ਦਾ ਜੁਰਮਾਨਾ ਵੀ ਲਾਇਆ ਗਿਆ ਹੈ।
ਸਪੈਸ਼ਲ ਜੱਜ ਵਿਕਾਸ ਦੁੱਲ ਨੇ ਸ਼ੁੱਕਰਵਾਰ ਨੂੰ ਓਮ ਪ੍ਰਕਾਸ਼ ਚੌਟਾਲਾ ਨੂੰ 4 ਸਾਲ ਦੀ ਸਜ਼ਾ ਸੁਣਾਈ ਅਤੇ ਤੁਰੰਤ ਤਿਹਾੜ ਜੇਲ੍ਹ ਭੇਜਣ ਦਾ ਹੁਕਮ ਦਿੱਤਾ। ਅਦਾਲਤ ਵੱਲੋਂ ਦਿੱਤੇ ਹੁਕਮਾਂ ਅਨੁਸਾਰ, 50 ਲੱਖ ਰੁਪਏ ਜੁਰਮਾਨੇ ਵਿਚੋਂ 5 ਲੱਖ ਰੁਪਏ ਦੀ ਰਕਮ ਸੀ. ਬੀ. ਆਈ. ਨੂੰ ਦਿੱਤੀ ਜਾਵੇਗੀ। ਚੌਟਾਲਾ ਦੇ ਵਕੀਲ ਹਰਸ਼ ਸ਼ਰਮਾ ਨੇ ਆਤਮ ਸਮਰਪਣ ਕਰਨ ਲਈ 10 ਦਿਨਾਂ ਦਾ ਸਮਾਂ ਦੇਣ ਦੀ ਮੰਗ ਕੀਤੀ ਸੀ, ਜਿਸ ਨੂੰ ਅਦਾਲਤ ਨੇ ਨਾਕਾਰ ਦਿੱਤਾ। ਵੀਰਵਾਰ ਨੂੰ ਬਹਿਸ ਦੌਰਾਨ ਓ. ਪੀ. ਚੌਟਾਲਾ ਅਦਾਲਤ ਵਿਚ ਮੌਜੂਦ ਰਹੇ।
ਚੌਟਾਲਾ 'ਤੇ 1993 ਤੋਂ 2006 ਤੱਕ ਆਮਦਨ ਤੋਂ ਵੱਧ ਜਾਇਦਾਦ ਬਣਾਉਣ ਦਾ ਦੋਸ਼ ਹੈ।
