21.19C Vancouver 21.19C VancouverJun 7, 2022 6:26 PM - THE CANADIAN PRESS
ਜੇਸਨ ਕੈਨੀ ਦੀ ਜਨਤਕ ਤੌਰ 'ਤੇ ਆਲੋਚਨਾ ਕਰਨ ਮਗਰੋ ਕੈਬਨਿਟ ਵਿਚੋਂ ਬਾਹਰ ਕੀਤੀ ਗਈ ਲੀਲਾ ਅਹੀਰ ਨੇ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਹੋਣ ਦਾ ਐਲਾਨ ਕੀਤਾ ਹੈ।
ਲੀਲਾ ਅਹੀਰ ਨੇ ਕਿਹਾ ਕਿ ਉਸ ਦਾ ਮਕਸਦ ਐਲਬਰਟਾ ਦੇ ਲੋਕਾਂ ਨਾਲ ਟੁੱਟਿਆ ਭਰੋਸਾ ਮੁੜ ਤੋਂ ਕਾਇਮ ਕਰਨਾ ਹੈ।
ਲੀਲਾ ਅਹੀਰ ਦੋ ਵਾਰ ਦੀ ਵਿਧਾਇਕ ਹਨ ਅਤੇ ਇਸ ਸਮੇਂ ਉਹ ਕੈਲਗਰੀ ਈਸਟ ਵਿਚ ਚੈਸਟਰਮੇਰ-ਸਟ੍ਰੈਥਮੋਰ ਹਲਕੇ ਦੀ ਨੁਮਾਇੰਦਗੀ ਕਰ ਰਹੇ ਹਨ।
ਉਨ੍ਹਾਂ ਨੂੰ ਅਪ੍ਰੈਲ 2019 ਵਿਚ ਕੈਨੀ ਦੀ ਕੈਬਨਿਟ ਵਿਚ ਕਲਚਰ, ਮਲਟੀ-ਕਲਚਰਿਜ਼ਮ ਅਤੇ ਸਟੇਟਸ ਆਫ ਵੀਮੈਨ ਵਜੋਂ ਮੰਤਰੀ ਬਣਾਇਆ ਗਿਆ ਸੀ। ਪਿਛਲੇ ਸਾਲ ਜੁਲਾਈ ਵਿਚੋਂ ਕੈਨੀ ਨੇ ਉਨ੍ਹਾਂ ਨੂੰ ਕੈਬਨਿਟ ਵਿਚੋਂ ਬਾਹਰ ਕਰ ਦਿੱਤਾ ਸੀ ਕਿਉਂਕਿ ਕੋਵਿਡ-19 ਮਹਾਮਾਰੀ ਨਾਲ ਨਜਿੱਠਣ ਲਈ ਉਨ੍ਹਾਂ ਨੇ ਕੈਨੀ ਦੀ ਜਨਤਕ ਤੌਰ 'ਤੇ ਆਲੋਚਨਾ ਕੀਤੀ ਸੀ। ਹਾਲਾਂਕਿ, ਕੈਨੀ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਸੀ ਕਿ ਉਨ੍ਹਾਂ ਦੀ ਆਲੋਚਨਾ ਕਰਨ ਕਰਕੇ ਲੀਲਾ ਅਹੀਰ ਦੀ ਡਿਮੋਸ਼ਨ ਕੀਤੀ ਗਈ।
