13.11C Vancouver 13.11C VancouverApr 28, 2021 3:34 PM -
ਬੀ.ਸੀ. ਲਿਬਰਲ ਪਾਰਟੀ ਦੇ ਇੱਕ ਸਾਬਕਾ ਕੈਬਿਨਿਟ ਮੰਤਰੀ ਅੱਜ ਮਨੀ ਲੌਂਡਰਿੰਗ ਜਾਂਚ ਦੇ ਚਲਦਿਆਂ ਗਵਾਹੀ ਦੇਣ ਜਾ ਰਹੇ ਹਨ।
ਬੀਤੇ ਕੁਝ ਦਿਨਾਂ ਦੌਰਾਨ ਕਲਨ ਕਮਿਸ਼ਨ ਦੇ ਸਾਹਮਣੇ ਪੇਸ਼ ਹੋਣ ਵਾਲੇ ਹਾਈ ਪ੍ਰੋਫਾਈਲ ਸਾਬਕਾ ਅਤੇ ਮੌਜੂਦਾ ਸਿਆਸਤਦਾਨਾਂ ਦੀ ਕਤਾਰ ਵਿੱਚ ਸਾਬਕਾ ਗੇਮਿੰਗ ਮਨਿਸਟਰ ਅਤੇ ਡਿਪਟੀ ਪ੍ਰੀਮੀਅਰ ਰਿੱਚ ਕੋਲਮੈਨ ਦਾ ਨਾਂ ਵੀ ਸ਼ਾਮਲ ਹੋਣ ਜਾ ਰਿਹਾ ਹੈ।
ਸਾਬਕਾ ਪ੍ਰੀਮੀਅਰ ਕ੍ਰਿਸਟੀ ਕਲਾਰਕ, ਵਿਰੋਧੀ ਪਾਰਟੀ ਦੇ ਮੌਜੂਦਾ ਐਮ.ਐੱਲ.ਏ. ਸ਼ਰਲੀ ਬੌਂਡ ਅਤੇ ਮਾਈਕ ਡੀ ਜੌਂਗ ਵੀ ਹਾਲ ਹੀ ਵਿੱਚ ਕਮਿਸ਼ਨ ਸਾਹਮਣੇ ਪੇਸ਼ ਹੋਏ ਸਨ।
ਬੀ.ਸੀ. ਦੇ ਅਟਾਰਨੀ ਜਨਰਲ, ਡੇਵਿਡ ਈਬੀ, ਜਿਨ੍ਹਾਂ ਨੇ ਨਿਊ ਡੈਮੋਕਰੇਟਸ ਦੇ 2017 ਵਿੱਚ ਸਰਕਾਰ ਬਣਾਉਣ ਤੋਂ ਬਾਅਦ, ਗੇਮਿੰਗ ਮਨਿਸਟਰ ਵਜੋਂ ਸੇਵਾ ਨਿਭਾਈ ਸੀ ਨੇ ਇਸ ਹਫਤੇ ਦੇ ਸ਼ੁਰੂ ਵਿੱਚ ਸ਼ੱਕੀ ਨਕਦ ਦੇ ਥੈਲੇ ਲੈ ਕੇ ਕੈਸਿਨੋ ਵਿੱਚ ਜੂਏਬਾਜ਼ਾਂ ਦੇ ਪਹੁੰਚਣ ਵਾਲੇ ਵੀਡੀਓ ਬਾਰੇ ਗਵਾਹੀ ਦਿੱਤੀ ਸੀ।
ਸਾਬਕਾ ਗੇਮਿੰਗ ਜਾਂਚਕਰਤਾਵਾਂ ਵੱਲੋਂ ਪੇਸ਼ੀ ਦੌਰਾਨ ਇਹ ਗੱਲ ਸਾਂਝੀ ਕੀਤੀ ਗਈ ਸੀ ਕਿ ਉਨ੍ਹਾਂ ਨੇ ਕੋਲਮੈਨ ਨੂੰ ਇਹ ਜਾਣਕਾਰੀ ਦਿੱਤੀ ਸੀ ਕਿ ਕੈਸੀਨੋਜ਼ ਵਿਚ ਸ਼ੱਕੀ ਨਕਦ ਅਤੇ ਸੰਗਠਿਤ ਅਪਰਾਧ ਵਿੱਚ ਆਪਸੀ ਸਬੰਧ ਹੋਣ ਦਾ ਖਦਸ਼ਾ ਹੈ ਪਰ ਇਸ ਬਾਰੇ ਕੋਈ ਕਦਮ ਨਹੀਂ ਚੁੱਕੇ ਗਏ ਸਨ।
ਸੂਬੇ ਦੀ ਰੀਅਲ ਅਸਟੇਟ, ਲਗਜ਼ਰੀ ਵਾਹਨ ਅਤੇ ਗੇਮਿੰਗ ਸੈਕਟਰ ਦੇ ਕਸੀਨੋਜ਼ ਵਿੱਚ ਗ਼ੈਰਕਾਨੂੰਨੀ ਨਕਦ ਨਾਲ ਸਬੰਧ ਹੋਣ ਬਾਰੇ ਸਾਹਮਣੇ ਆਈਆਂ ਤਿੰਨ ਰਿਪੋਰਟਾਂ ਤੋਂ ਬਾਅਦ ਬੀ.ਸੀ. ਸਰਕਾਰ ਵੱਲੋਂ ਮਈ 2019 ਵਿੱਚ ਮਨੀ ਲੌਂਡਰਿੰਗ ਬਾਰੇ ਪਬਲਿਕ ਜਾਂਚ ਦਾ ਐਲਾਨ ਕੀਤਾ ਗਿਆ ਸੀ।
ਅੰਤਮ ਰਿਪੋਰਟ 15 ਦਸੰਬਰ ਨੂੰ ਆਵੇਗੀ।
