19.77C Vancouver 19.77C VancouverOct 6, 2020 5:29 PM -
ਆਪਣੇ ਕਾਰਜਕਾਲ ਦੌਰਾਨ ਦੇ ਸਮੇਂ ਲਈ ਧੋਖਾਧੜੀ ਅਤੇ ਬ੍ਰੀਚ ਔਫ਼ ਟਰੱਸਟ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ, ਸਾਬਕਾ ਲਿਬਰਲ ਐਮ.ਪੀ. ਰਾਜ ਗ੍ਰੇਵਾਲ ਦੇ ਮਾਮਲੇ ਨੂੰ ਅਗਲੇ ਸਾਲ ਦੀ ਸ਼ੁਰੂਆਤ ਤੱਕ ਮੁਲਤਵੀ ਕਰ ਦਿੱਤਾ ਗਿਆ ਹੈ।
ਰਾਜ ਗ੍ਰੇਵਾਲ ਦੇ ਵਕੀਲ ਅਤੇ ਕ੍ਰਾਉਨ ਨੇ ਮੰਗਲਵਾਰ ਨੂੰ ਇੱਕ ਛੋਟੀ ਵਰਚੁਅਲ ਮੀਟਿੰਗ ਤੋਂ ਬਾਅਦ ਸਹਿਮਤੀ ਜ਼ਾਹਿਰ ਕੀਤੀ ਹੈ ਕਿ ਇਹ ਕੇਸ ਹੁਣ 6 ਜਨਵਰੀ ਨੂੰ ਮੁੜ ਅਦਾਲਤ ਵਿਚ ਆਵੇਗਾ।
ਸੁਣਵਾਈ ਦੌਰਾਨ ਗ੍ਰੇਵਾਲ ਦੇ ਵਕੀਲ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੀ ਟੀਮ ਨੂੰ ਜਾਂਚਕਰਤਾਵਾਂ ਤੋਂ 10 ਜੀ.ਬੀ. ਡਿਸਕਲੋਜ਼ਰ ਮਟੀਰੀਅਲ ਪ੍ਰਾਪਤ ਹੋਇਆ ਹੈ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਕ੍ਰਾਉਨ ਤੋਂ ਹੋਰ ਸਬੂਤਾਂ ਦੀ ਮੰਗ ਕੀਤੀ ਹੈ।
ਤਕਰੀਬਨ ਇੱਕ ਮਹੀਨੇ ਪਹਿਲਾਂ ਗ੍ਰੇਵਾਲ ਨੂੰ ਬ੍ਰੀਚ ਔਫ਼ ਦੇ 4 ਦੋਸ਼ਾਂ ਅਤੇ ਇੱਕ $5,000 ਤੱਕ ਦੀ ਧੋਖਾਧੜੀ ਲਈ ਚਾਰਜ ਕੀਤਾ ਗਿਆ ਹੈ। ਇਹ ਦੋਸ਼ ਉਨ੍ਹਾਂ ਦੇ ਕਾਰਜਕਾਲ ਦੌਰਾਨ ਦੇ ਸਮੇਂ ਨਾਲ ਸੰਬੰਧਿਤ ਹਨ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਗ੍ਰੇਵਾਲ ਵੱਲੋਂ ਕਈ ਮਿਲਿਅਨ ਡੌਲਰ ਦਾ ਪਰਸਨਲ ਲੋਅਨ ਲੈਣ ਲਈ, ਆਪਣੇ ਸਿਆਸੀ ਰੁਤਬੇ ਦਾ ਲਾਹਾ ਲੈਣ ਦੀ ਕੋਸ਼ਿਸ਼ ਕੀਤੀ ਗਈ, ਜਿਸ ਬਾਰੇ ਉਨ੍ਹਾਂ ਐਥਿੱਕਸ ਕਮੀਸ਼ਨਰ ਨੂੰ ਜਾਣਕਾਰੀ ਨਹੀਂ ਦਿੱਤੀ।
