22.96C Vancouver 22.96C VancouverSep 11, 2020 5:10 PM -
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਉਹਨਾਂ ਵੱਲੋਂ ਸਾਬਕਾ ਲਿਬਰਲ ਐਮ.ਪੀ. ਰਾਜ ਗਰੇਵਾਲ 'ਤੇ ਧੋਖਾਧੜੀ ਅਤੇ ਵਿਸ਼ਵਾਸ ਦੀ ਉਲੰਘਣਾ ਕਰਨ ਦੇ ਦੋਸ਼ ਲਗਾਏ ਜਾ ਰਹੇ ਹਨ।
ਪੁਲੀਸ ਮੁਤਾਬਕ ਗਰੇਵਾਲ ਨੇ ਫ਼ੈਡਰਲ ਐਥਿਕਸ ਕਮਿਸ਼ਨਰ ਨੂੰ ਸੂਚਿਤ ਕੀਤੇ ਬਿਨਾਂ, ਕਈ ਮਿਲੀਅਨ ਡਾਲਰਾਂ ਦਾ ਕਰਜ਼ਾ ਹਾਸਲ ਕਰਨ ਲਈ ਆਪਣੀ ਰਾਜਨੀਤਿਕ ਪਹਿਚਾਣ ਦੀ ਵਰਤੋਂ ਕੀਤੀ।
ਉਹਨਾਂ ਦਾ ਇਹ ਵੀ ਮੰਨਣਾ ਹੈ ਕਿ ਗਰੇਵਾਲ ਨੇ ਆਪਣੇ ਦਫ਼ਤਰ ਦੇ ਸਰਕਾਰੀ ਬਜਟ ਦੀ ਵਰਤੋਂ ਆਪਣੇ ਨਿੱਜੀ ਫ਼ਾਇਦੇ ਲਈ ਕੀਤੀ।
ਗਰੇਵਾਲ ਨੇ ਇਹ ਮਾਮਲਾ ਉਜਾਗਰ ਹੋਣ ਤੋਂ ਬਾਅਦ, ਨਿੱਜੀ ਅਤੇ ਸਿਹਤ ਸੰਬੰਧਿਤ ਕਾਰਣਾਂ ਦਾ ਹਵਾਲਾ ਦਿੰਦੇ ਹੋਏ, 2018 ਵਿੱਚ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਸੀ।
ਉਸ ਵੇਲੇ ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਦਾ ਕਹਿਣਾ ਸੀ ਕਿ ਗਰੇਵਾਲ ਜੂਏ ਦੀ ਲ਼ਤ ਤੋਂ ਨਿਜਾਤ ਪਾਉਣ ਲਈ ਇਲਾਜ ਕਰਵਾ ਰਹੇ ਹਨ, ਅਤੇ ਬਾਅਦ ਵਿੱਚ ਗਰੇਵਾਲ ਨੇ ਇੱਕ ਵਿਡੀਉ ਵਿੱਚ ਇਹ ਗੱਲ ਸਵੀਕਾਰ ਕੀਤੀ ਸੀ ਕੀ ਉਹਨਾਂ 'ਤੇ ਕਈ ਮਿਲੀਅਨ ਡਾਲਰਾਂ ਦਾ ਕਰਜ਼ ਚੜ੍ਹ ਗਿਆ ਸੀ ਪਰ ਉਹਨਾਂ ਨੇ ਉਹ ਸਾਰਾ ਕਰਜ਼ਾ ਉਤਾਰ ਦੇਣ ਦਾ ਦਾਅਵਾ ਕੀਤਾ ਸੀ।
ਗਰੇਵਾਲ 2019 ਦੀਆਂ ਚੋਣਾਂ ਨਹੀਂ ਲੜੇ ਸਨ।
