18.53C Vancouver 18.53C VancouverJan 3, 2025 1:42 PM - The Canadian Press
ਪੀ.ਐੱਮ ਜਸਟਿਨ ਟਰੂਡੋ ਸਰਕਾਰ ਦੇ ਸਾਬਕਾ ਉੱਚ ਦਰਜੇ ਦੇ ਕੈਬਨਿਟ ਮੰਤਰੀ ਮਾਰਕੋ ਮੇਂਡੀਸੀਨੋ ਨੇ ਅਗਲੀਆਂ ਫੈਡਰਲ ਚੋਣਾਂ ਨਾ ਲੜਨ ਦਾ ਐਲਾਨ ਕੀਤਾ ਹੈ।
ਮੇਂਡੀਸੀਨੋ -2022 ਵਿਚ ਪ੍ਰਦਰਸ਼ਨ ਦੌਰਾਨ ਪਬਲਿਕ ਸੇਫਟੀ ਮਿਨਿਸਟਰ ਸਨ, ਜਦੋਂ ਪ੍ਰਦਰਸ਼ਨ ਨੂੰ ਖ਼ਤਮ ਕਰਨ ਲਈ ਲਿਬਰਲ ਸਰਕਾਰ ਨੇ ਐਮਰਜੈਂਸੀ ਐਕਟ ਲਾਗੂ ਕੀਤਾ ਸੀ। ਟੋਰੌਂਟੋ ਦੀ ਐਗਲਿਨਟਨ—ਲਾਰੈਂਸ ਰਾਈਡਿੰਗ ਦੀ ਨੁਮਾਇੰਦੀ ਕਰਨ ਵਾਲੇ ਮੇਂਡੀਸੀਨੋ ਦਾ ਵਿਵਾਦਾਂ ਨਾਲ ਨਾਤਾ ਰਿਹਾ ਹੈ, 2023 ਵਿਚ ਉਨ੍ਹਾਂ ਨੂੰ ਇੱਕ ਸੀਰੀਅਲ ਕਿਲਰ ਪਾਲ ਬਰਨਾਰਡੋ ਨੂੰ ਮੱਧਮ-ਸੁਰੱਖਿਆ ਜੇਲ੍ਹ ਵਿਚ ਤਬਾਦਲਾ ਕਰਨ ਦੇ ਵਿਵਾਦ ਵਿਚ 2023 ਵਿਚ ਕੈਬਨਿਟ ਤੋਂ ਬਾਹਰ ਹੋਣਾ ਪਿਆ ਸੀ।
ਟਰੂਡੋ ਸਰਕਾਰ ਦੇ ਹੁਣ ਤੱਕ ਕਈ ਮੰਤਰੀ ਅਤੇ ਸਾਂਸਦ ਅਗਲੀਆਂ ਚੋਣਾਂ ਨਾ ਲੜਨ ਦੀ ਘੋਸ਼ਣਾ ਕਰ ਚੁੱਕੇ ਹਨ, ਹਾਲ ਹੀ ਵਿਚ ਅਜਿਹੀ ਘੋਸ਼ਣਾ ਕਰਨ ਵਾਲਿਆਂ ਵਿਚ ਸਾਬਕਾ ਮਿਨਿਸਟਰ ਸ਼ੌਨ ਫਰੇਜ਼ਰ, ਸੀਮਸ ਓ'ਰੇਗਨ, ਪਾਬਲੋ ਰੌਡਰਿਗਜ਼ ਅਤੇ ਕਾਰਲਾ ਕੁਆਲਟ੍ਰੋ ਸ਼ਾਮਲ ਹਨ। ਹੁਣ ਤੱਕ ਘੱਟੋ-ਘੱਟ 30 ਲਿਬਰਲ ਐਮ.ਪੀ ਫੈਡਰਲ ਚੋਣਾਂ ਤੋਂ ਖੁਦ ਨੂੰ ਵੱਖ ਕਰ ਚੁੱਕੇ ਹਨ।
