16.01C Vancouver 16.01C VancouverApr 22, 2021 10:33 PM -
ਬੀ.ਸੀ. ਲਿਬਰਲ ਪਾਰਟੀ ਦੀ ਅੰਤਰਿਮ ਲੀਡਰ, ਸ਼ਰਲੀ ਬੌਂਡ ਦਾ ਕਹਿਣਾ ਹੈ ਕਿ ਕਸੀਨੋਸ ਦੇ ਵਿੱਚ ਮਨੀ-ਲੌਂਡਰਿੰਗ ਦੀਆਂ ਰਿਪੋਰਟਸ ਵੱਲ, ਉਨ੍ਹਾਂ ਦੇ ਮੰਤਰੀ ਰਹਿੰਦਿਆਂ ਸਰਕਾਰ ਦਾ ਧਿਆਨ ਸੀ।
ਪਰ ਸ਼ਰਲੀ ਬੌਂਡ ਨੇ ਕਿਹਾ ਕਿ ਉਸ ਵੇਲੇ ਸਿਵਿਲ ਫੋਰਫੀਚਰ, ਗੈਂਗ ਹਿੰਸਾ ਅਤੇ ਜੂਏ ਦੀ ਲੱਤ ਵੀ ਉੰਨੇ ਹੀ ਅਹਿਮ ਮਸਲੇ ਸਨ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ 11 ਮਹੀਨੇ ਦੀ ਸੌਲੀਸਿਟਰ ਜਨਰਲ ਅਤੇ ਪਬਲਿਕ ਸੇਫਟੀ ਮੰਤਰੀ ਦੇ ਤੌਰ 'ਤੇ ਅਜਿਹੇ ਮਾਮਲਿਆਂ ਸੰਬੰਧੀ ਜ਼ਿੰਮੇਵਾਰੀਆਂ ਦੌਰਾਨ ਇਹ ਸਾਰੇ ਹੀ ਮਸਲੇ ਅਹਿਮ ਸਨ।
ਉਨ੍ਹਾਂ ਇਹ ਟਿੱਪਣੀਆਂ ਕੁਲਨ ਕਮਿਸ਼ਨ ਸਾਹਮਣੇ ਦਿੱਤੀ ਗਵਾਹੀ ਦੌਰਾਨ ਕੀਤੀਆਂ।
ਉਨ੍ਹਾਂ ਕਿਹਾ ਕਿ ਸਾਬਕਾ ਪ੍ਰੀਮਿਅਰ ਕ੍ਰਿਸਟੀ ਕਲਾਕਰ ਨਾਲ ਉਨ੍ਹਾਂ ਕਦੀ ਵੀ ਕਸੀਨੋਸ 'ਚ ਮਿਲੀਅਨਸ ਦੇ ਹਿਸਾਬ ਨਾਲ ਹੋ ਰਹੀ ਮਨੀ ਲੌਂਡਰਿੰਗ ਦਾ ਮਾਮਲਾ ਨਹੀਂ ਚੁੱਕਿਆ ਸੀ।
ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਪਹਿਲੀ ਵਾਰ ਸਰਕਾਰੀ ਸੂਤਰਾਂ ਤੋਂ ਹੀ ਕਸੀਨੋਸ 'ਚ ਸਾਲ 2015 'ਚ ਸ਼ੱਕੀ ਪੈਸੇ ਦੇ ਵਾਧੇ ਬਾਰੇ ਪਤਾ ਲੱਗਿਆ ਸੀ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਸਾਲ 2011 ਦੀ ਇੱਕ ਮਨੀ ਲੌਂਡਰਿੰਗ ਸੰਬੰਧੀ ਰਿਪੋਰਟ ਦੀਆਂ ਸਿਫਾਰਸ਼ਾਂ ਨੂੰ ਉਨ੍ਹਾਂ ਨੇ ਲਾਗੂ ਕਰ ਦਿੱਤਾ ਸੀ।
