29.77C Vancouver 29.77C VancouverMay 8, 2020 7:24 PM -
ਲਗਭਗ ਇੱਕ ਸਾਲ ਤੱਕ ਚੱਲੀ ਪੁਲਿਸ ਦੀ ਜਾਂਚ ਤੋਂ ਬਾਅਦ, ਇੱਕ ਸਾਬਕਾ ਕਰੈਕਸ਼ਨਲ ਅਫਸਰ 'ਤੇ 13 ਅਪਰਾਧਿਕ ਦੋਸ਼ ਲਗਾਏ ਗਏ ਹਨ।
ਇਸ ਅਫਸਰ ਦੇ ਕਥਿਤ ਹਮਲੇ ਨੋਵਾ ਸਕੌਸ਼ੀਆ ਦੇ ਔਰਤਾਂ ਦੇ ਫੈਡਰਲ ਪ੍ਰਿਜ਼ਨ 'ਚ ਵਾਪਰੇ ਸਨ।
ਇਸ ਨਾਲ ਸੰਬੰਧਤ ਇੱਕ ਸਿਵਿਲ ਲਾਅ ਸੂਟ ਵੀ ਜਾਰੀ ਹੈ।
ਟਰੂਰੋ ਪੁਲਿਸ ਦਾ ਕਹਿਣਾ ਹੈ ਕਿ ਬ੍ਰਾਇਨ ਵਿਲਸਨ 6 ਜਿਨਸੀ ਹਮਲਿਆਂ ਦੇ ਆਰੋਪਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਇਸਤੋਂ ਅਲਾਵਾ 6 ਵਿਸ਼ਵਾਸ ਤੋੜਨ ਦੇ ਆਰੋਪ ਅਤੇ ਇੱਕ ਦੋਸ਼ ਜਿਨਸੀ ਫਾਇਦੇ ਲੈਣ ਲਈ ਬਣਾਏ ਗਏ ਸੰਪਰਕ ਦਾ ਲੱਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ. ਮਾਰਚ 2019 'ਚ ਉਨ੍ਹਾਂ ਨੂੰ ਸ਼ਿਕਾਇਤ ਮਿਲੀ ਸੀ, ਜਿਸ ਵਿੱਚ ਵਿਲਸਨ ਦੇ ਨੋਵਾ ਸਕੌਸ਼ੀਆ 'ਚ ਟਰੂਰੋ ਦੇ ਨੋਵਾ ਇੰਸਟੀਟਿਊਸ਼ਨ ਫਾਰ ਵਿਮੈਨ (Nova institution for women) 'ਚ ਕਈ ਕੈਦੀ ਔਰਤਾਂ ਨਾਲ ਗਲਤ ਸੰਬੰਧ ਹੋਣ ਦੇ ਇਲਜਾਮ ਲਗਾਏ ਗਏ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਵਿਲਸਨ ਨੂੰ ਬਾਅਦ 'ਚ ਜਸਟਿਸ ਸਾਹਮਣੇ ਲਿਆਂਦਾ ਗਿਆ ਅਤੇ ਕੁਝ ਸ਼ਰਤਾਂ 'ਤੇ ਰਿਹਾਅ ਕਰ ਦਿੱਤਾ ਗਿਆ।
ਵਿਲਸਨ ਦੀ ਅਗਲੀ ਕੋਰਟ ਦੀ ਪੇਸ਼ੀ 12 ਅਗਸਤ ਦੀ ਹੈ।
ਇਹ ਸਪਸ਼ਟ ਨਹੀਂ ਹੈ ਕਿ ਅਪਰਾਧਿਕ ਮਾਮਲੇ 'ਚ ਸ਼ਾਮਿਲ ਸ਼ਿਕਾਇਤਾਂ ਨੂੰ ਸਿਵਿਲ ਲਾਅ ਸੂਟ ਦਾ ਵੀ ਹਿੱਸਾ ਬਣਾਇਆ ਗਿਆ ਹੈ ਜਾਂ ਨਹੀਂ।
ਟਰੂਰੋ ਪੁਲਿਸ ਦੇ ਮੁਖੀ, ਡੇਵਿਡ ਮੈਕਨੀਲ ਦਾ ਕਹਿਣਾ ਸੀ ਕਿ ਨੋਵਾ ਇੰਸਟੀਟਿਊਸ਼ਨ 'ਚ 'ਚ ਵੀ ਜਿਨਸੀ ਹਮਲੇ ਦੀ ਜਾਂਚ ਆਰੰਭ ਦਿੱਤੀ ਗਈ ਸੀ।
ਟਰੂਰੋ ਦੀ ਮਲਟੀ ਲੈਵਲ ਫੈਸਿਲਿਟੀ, ਕੈਨੇਡਾ ਦੀਆਂ ਔਰਤਾਂ ਲਈ ਸਥਾਪਿਤ 6 ਫੈਡਰਲ ਕਰੈਕਸ਼ਨਲ ਫੈਸਿਲਟੀਆਂ ਵਿੱਚੋਂ ਇੱਕ ਹੈ।
