15.48C Vancouver 15.48C VancouverNov 6, 2020 4:21 PM -
ਇੱਕ ਸਾਬਕਾ ਆਰ.ਸੀ.ਐਮ.ਪੀ. ਅਫ਼ਸਰ ਨੇ ਵੀਰਵਾਰ ਨੂੰ ਬਿਆਨ ਦਰਜ ਕਰਵਾਏ ਕਿ ਬੀ.ਸੀ. ਦੇ ਇੱਕ ਸਾਬਕਾ ਕੈਬੀਨੇਟ ਮੰਤਰੀ ਨੇ ਸਾਲ 2009 'ਚ ਉਨ੍ਹਾਂ ਨੂੰ ਕਿਹਾ ਸੀ ਕਿ ਗੇਮਿੰਗ ਮੰਤਰੀ ਨੂੰ ਕਸੀਨੋਸ 'ਚ ਹੁੰਦੇ ਸੰਗਠਿਤ ਅਪਰਾਧ ਦਾ ਪਤਾ ਸੀ, ਪਰ ਉਨ੍ਹਾਂ ਨੂੰ ਜੂਏ ਤੋਂ ਆਉਣ ਵਾਲੇ ਰੈਵੀਨਿਊ ਦੀ ਵਧੇਰੇ ਫਿਕਰ ਸੀ।
ਫ੍ਰੈਡ ਪਿਨੌਕ, ਜੋ ਕਿ ਉਸ ਸਮੇਂ 'ਇਲਲੀਗਲ ਗੈਂਬਲਿੰਗ ਐਨਫੋਰਸਮੈਂਟ ਟੀਮ' ਦੇ ਇਨ-ਚਾਰਜ ਸਨ, ਉਨ੍ਹਾਂ ਬੀਤੇ ਕੱਲ ਮਨੀ ਲੌਂਡਰਿੰਗ ਸੰਬੰਧੀ ਪ੍ਰੋਵਿੰਸ਼ੀਅਲ ਇੰਕਵਾਇਰੀ ਸਾਹਮਣੇ ਇਹ ਬਿਆਨ ਦਿੱਤੇ।
ਉਨ੍ਹਾਂ ਕਿਹਾ ਕਿ ਉਸ ਵੇਲੇ ਦੇ ਸੋਲੀਸਿਟਰ ਜਨਰਲ 'ਕੈਸ਼ ਹੀਡ' ਨਾਲ ਮੁਲਾਕਾਤ ਕੀਤੀ ਸੀ, ਤੇ ਹੀਡ ਨੇ ਮੰਨਿਆ ਸੀ ਕਿ ਮਾਮਲਾ ਗੰਭੀਰ ਹੈ, ਪਰ ਪਿਨੌਕ ਅਨੁਸਾਰ ਹੀਡ ਨੇ ਕਿਹਾ ਸੀ ਕਿ ਗੇਮਿੰਗ ਮੰਤਰੀ ਰਿੱਛ ਕੋਲਮੈਨ ਨੂੰ ਸਿਰਫ ਪੈਸੇ ਦਾ ਫਿਕਰ ਸੀ।
ਯਾਦ ਰਹੇ ਕੱਲ ਇਹ ਵੀ ਦੱਸਿਆ ਗਿਆ ਸੀ ਕਿ ਸਾਲ 2017 'ਚ ਕੁਝ ਗ੍ਰਿਫਤਾਰੀਆਂ ਦੌਰਾਨ ਕਸੀਨੋਸ 'ਚ 2 ਜਾਂ 3 ਹਫ਼ਤੇ ਲਈ ਰੈਵੀਨਿਊਸ 'ਚ ਵੱਡੀ ਕਟੌਤੀ ਹੋਈ ਸੀ।
