12.18C Vancouver 12.18C VancouverJul 27, 2022 1:00 AM - The Canadian Press
ਵੈਨਕੂਵਰ ਕਨੱਕਸ ਦੇ ਸਾਬਕਾ ਖਿਡਾਰੀ ਜੇਕ ਵਰਟੀਨੈਨ ਨੂੰ ਜਿਨਸੀ ਹਮਲੇ ਦੇ ਮਾਮਲੇ 'ਚ ਦੋਸ਼ੀ ਕਰਾਰ ਨਹੀਂ ਦਿੱਤਾ ਗਿਆ ਹੈ।
ਜਿਊਰੀ ਨੇ ਇਸ ਮਾਮਲੇ 'ਚ ਜੇਕ ਵਰਟੀਨੈਨ ਨੂੰ 'ਨੌਟ ਗਿਲਟੀ' ਯਾਨੀ ਕਿ ਬੇਕਸੂਰ ਦੱਸਿਆ ਹੈ।
ਇਸ ਮਾਮਲੇ 'ਚ ਇੱਕ ਹਫ਼ਤੇ ਤਕ ਚੱਲੀ ਸੁਣਵਾਈ ਦੌਰਾਨ 23 ਸਾਲਾ ਔਰਤ ਅਤੇ ਜੇਕ ਵਰਟੀਨੈਨ, ਦੋਵਾਂ ਨੇ ਆਪੋ-ਆਪਣੇ ਪੱਖ ਰੱਖੇ ਸਨ।
ਇਸ ਕਥਿਤ ਜਿਨਸੀ ਹਮਲੇ ਦੇ 26 ਸਿਤੰਬਰ 2017 ਨੂੰ ਇੱਕ ਹੋਟਲ 'ਚ ਵਾਪਰਨ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਉਸ ਮੌਕੇ ਔਰਤ ਦੀ ਉਮਰ 18 ਸਾਲ ਰਹੀ ਸੀ।
ਔਰਤ ਨੇ ਕੋਰਟ 'ਚ ਦੱਸਿਆ ਸੀ ਕਿ ਉਸ ਦੇ ਵਾਰ-ਵਾਰ ਮਨਾ ਕਰਨ ਦੇ ਬਾਵਜੂਦ ਜੇਕ ਵਰਟੀਨੈਨ ਨੇ ਉਸ 'ਤੇ ਜਿਨਸੀ ਹਮਲਾ ਕੀਤਾ ਸੀ।
ਉੱਧਰ ਜੇਕ ਵਰਟੀਨੈਨ ਨੇ ਆਖਿਆ ਸੀ ਕਿ ਪੂਰੇ ਮਾਮਲੇ 'ਚ ਲੜਕੀ ਨੇ ਹਾਮੀ ਭਰੀ ਸੀ ਅਤੇ ਉਹ ਰਿਸ਼ਤਾ ਸਥਾਪਿਤ ਕਰਨ 'ਚ ਬਰਾਬਰਤਾ ਨਾਲ ਸ਼ਾਮਿਲ ਸੀ।
ਇਸੇ ਸਾਲ ਦੀ ਸ਼ੁਰੂਆਤ 'ਚ ਜੇਕ ਵਰਟੀਨੈਨ 'ਤੇ ਜਿਨਸੀ ਹਮਲੇ ਦਾ ਇੱਕ ਦੋਸ਼ ਤੈਅ ਕੀਤਾ ਗਿਆ ਸੀ।
ਇਹ ਮਾਮਲਾ ਜਿਊਰੀ ਕੋਲ ਸੋਮਵਾਰ ਦੁਪਹਿਰ ਕਰੀਬ 3.30 ਵਜੇ ਪਹੁੰਚਿਆ ਸੀ ਅਤੇ ਅੱਜ ਸਵੇਰ ਦੇ ਸਮੇਂ ਜਿਊਰੀ ਨੇ ਬੀ.ਸੀ. ਸੁਪ੍ਰੀਮ ਕੋਰਟ ਨੂੰ ਆਪਣਾ ਵਰਡੀਕਟ ਯਾਨੀ ਕਿ ਫੈਸਲਾ ਸੌਂਪ ਦਿੱਤਾ।
