17.58C Vancouver 17.58C VancouverMay 28, 2026 6:05 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਦੀ ਕੰਬਾਇਡ ਫੋਰਸ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਦੀ Joint Illegal Gaming Investigation Team ਨੇ ਸੂਬੇ ਦੇ casinos ਵਿਚ ਖੇਡ ਦੌਰਾਨ ਚੱਲ ਰਹੇ ਫਰੌਡ ਨੈੱਟਵਰਕ ਦਾ ਪਰਦਾਫਾਸ਼ ਕਰਦਿਆਂ ਵੈਨਕੂਵਰ ਤੋਂ ਦੋ ਔਰਤਾਂ ਸਮੇਤ 4 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਔਫੀਸਰ ਦਾ ਮੰਨਣਾ ਹੈ ਕਿ ਇਸ ਫਰੌਡ ਜ਼ਰੀਏ ਬੀ. ਸੀ. ਦੇ ਕੈਸੀਨੋ ਨਾਲ $200,000 ਦੀ ਧੋਖਾਧੜੀ ਕੀਤੀ ਗਈ ਹੋ ਸਕਦੀ ਹੈ।
ਜਾਂਚ ਏਜੰਸੀ CFSEU ਮੁਤਾਬਕ, ਮਾਮਲੇ ਦੀ ਜਾਂਚ 4 ਮਈ ਨੂੰ ਸ਼ੁਰੂ ਹੋਈ, ਜਦੋਂ Independent Gambling Control Office ਨੂੰ ਵੈਨਕੂਵਰ ਦੇ ਇੱਕ ਕੈਸੀਨੋ ਵਿਚ ਖੇਡ ਦੌਰਾਨ ਹੋ ਰਹੀ ਗੜਬੜੀ ਦਾ ਪਤਾ ਲੱਗਾ ਅਤੇ ਤੁਰੰਤ ਇਹ ਕੇਸ Illegal Gaming Investigation Team ਨੂੰ ਸੌਂਪ ਦਿੱਤਾ, ਇਸ ਤੋਂ ਬਾਅਦ 5 ਮਈ ਨੂੰ ਵੈਨਕੂਵਰ ਤੋਂ ਦੋ ਮਰਦਾਂ ਅਤੇ ਦੋ ਔਰਤਾਂ ਦੀ ਗ੍ਰਿਫਤਾਰੀ ਕੀਤੀ ਗਈ ਅਤੇ ਇਸ ਦੌਰਾਨ ਜਾਂਚਕਰਤਾਵਾਂ ਵਲੋਂ ਉਨ੍ਹਾਂ ਦੇ ਕਬਜ਼ੇ ਵਿਚੋਂ ਲਗਭਗ $330,000 ਦੀ ਕਰੰਸੀ ਵੀ ਬਰਾਮਦ ਕੀਤੀ ਗਈ, ਜਿਸ ਨੂੰ ਅਪਰਾਧ ਦੀ ਕਮਾਈ ਮੰਨਿਆ ਜਾ ਰਿਹਾ ਹੈ।
CFSEU ਦੀ ਸਾਰਜੈਂਟ. ਸਰਬਜੀਤ ਕੌਰ ਸੰਘਾ ਮੁਤਾਬਕ, ਫਿਲਹਾਲ ਚਾਰਜਿਜ਼ ਤੈਅ ਕਰਨ ਦੀ ਪ੍ਰਕਿਰਿਆ ਪੂਰੀ ਹੋਣ ਤੱਕ ਮੁਲਜ਼ਮਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ ਅਤੇ ਜਾਂਚ ਅਜੇ ਵੀ ਚੱਲ ਰਹੀ ਹੋਣ ਕਰਕੇ ਮੁਲਜ਼ਮਾਂ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ।
