20.28C Vancouver 20.28C VancouverNov 26, 2020 10:16 PM -
ਮੈਟਰੋ ਵੈਨਕੂਵਰ 'ਚ ਜੂਏ ਸੰਬੰਧੀ ਇੱਕ ਗਰੁੱਪ ਤੱਕ ਪਹੁੰਚ ਤੋਂ ਬਾਅਦ, ਪੁਲਿਸ ਨੇ 4 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ।
ਬੀ.ਸੀ. ਦੇ ਸਪੈਸਲਾਈਜ਼ਡ ਐਂਟੀ-ਗੈਂਗ ਯੂਨਿਟ ਨਾਲ ਜੁੜੀ ਇਲਲੀਗਲ ਗੈਂਬਲਿੰਗ ਟੀਮ ਨੇ ਦੱਸਿਆ ਕਿ ਉਨ੍ਹਾਂ ਇਸ ਸਾਲ ਦੀ ਸ਼ੁਰੂਆਤ 'ਚ ਇੱਕ ਸ਼ੱਕੀ ਗੇਮਿੰਗ ਹਾਊਸ ਦੀ ਜਾਂਚ ਕੀਤੀ ਸੀ, ਅਤੇ ਜੁਲਾਈ 'ਚ ਸਰਚ ਵਾਰੰਟ ਵੀ ਦਿੱਤਾ ਸੀ।
ਮਾਮਲਾ ਬਰਨਬੀ ਦੇ 'ਬਿਗ ਸ਼ੌਟਸ ਕੈਫੇ' ਨਾਲ ਜੁੜਿਆ ਦੱਸਿਆ ਗਿਆ ਹੈ।
ਕੰਬਾਈਂਡ ਫੋਰਸਿਜ਼ ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ ਦਾ ਕਹਿਣਾ ਹੈ ਕਿ ਇਸ ਗੈਰਕਨੂੰਨੀ ਜਾਪਦੀ ਗੇਮਿੰਗ 'ਚ ਕਈ ਲੋਕ ਸ਼ਾਮਿਲ ਸਨ।
4 ਜੁਲਾਈ ਨੂੰ ਛਾਪੇਮਾਰੀ ਤੋਂ ਬਾਅਦ, ਪੋਕਰ ਟੇਬਲ, ਸਲੌਟ ਮਸ਼ੀਨ, ਕੈਸ਼, ਪੋਕਰ ਚਿਪਸ ਅਤੇ ਪਲੇਇੰਗ ਕਾਰਡਸ ਬਰਾਮਦ ਹੋਏ ਸਨ।
36 ਤੋਂ 58 ਸਾਲ ਦੀਆਂ ਉਮਰਾਂ ਵਿਚਾਲੇ ਦੇ ਬਰਨਬੀ ਦੇ 2 ਅਤੇ ਡੈਲਟਾ ਅਤੇ ਨਿਊ ਵੈਸਟਮਿਸਟਰ ਦਾ ਇੱਕ-ਇੱਕ ਵਿਅਕਤੀ ਗ੍ਰਿਫਤਾਰ ਕੀਤਾ ਗਿਆ।
ਇਹਨਾਂ ਦੀ 6 ਜਨਵਰੀ ਨੂੰ ਕੋਰਟ 'ਚ ਪੇਸ਼ੀ ਦੀ ਜਾਣਕਾਰੀ ਦਿੱਤੀ ਗਈ ਹੈ।
