9.68C Vancouver 9.68C VancouverApr 27, 2022 1:14 AM - Connect News
ਐਬਟਸਫੋਰਡ 'ਚ ਇੱਕ ਵਿਅਕਤੀ ਵੱਲੋਂ ਬੱਸ 'ਚ ਕੁਝ ਯਾਤਰੀਆਂ 'ਤੇ ਹਮਲਾ ਕੀਤਾ ਗਿਆ।
ਮਾਮਲਾ ਐਤਵਾਰ ਦਾ ਦੱਸਿਆ ਗਿਆ ਹੈ।
ਕਥਿਤ ਤੌਰ 'ਤੇ ਬੱਸ 'ਚ ਸਵਾਰ ਲੋਕਾਂ ਨੇ ਇਨਟੌਕਸੀਕੇਟਿਡ ਵਿਅਕਤੀ ਨੂੰ ਢਾਹ ਲਿਆ।
ਪੁਲਿਸ ਦੇ ਪਹੁੰਚਣ ਤਕ ਲੋਕਾਂ ਨੇ ਇਸ ਵਿਅਕਤੀ ਨੂੰ ਕਾਬੂ ਕਰ ਕੇ ਰੱਖਿਆ।
ਐਬਟਸਫੋਰਡ ਪੁਲਿਸ ਨੂੰ ਵਾਟਕੌਮ ਰੋਡ ਕੋਲ ਹਾਈਵੇਅ 1 'ਤੇ ਜਾਂਦੀ ਬੀ.ਸੀ. ਟ੍ਰਾਂਜ਼ਿਟ ਬੱਸ 'ਚ ਸ਼ਾਮ ਕਰੀਬ 4 ਵਜੇ ਸੱਦਿਆ ਗਿਆ ਸੀ।
ਪੁਲਿਸ ਦੇ ਪਹੁੰਚਣ 'ਤੇ ਵੀ ਵਿਅਕਤੀ ਨੇ ਕਥਿਤ ਤੌਰ 'ਤੇ ਜੂਝਣਾ ਜਾਰੀ ਰੱਖਿਆ ਜਿਸ ਕਾਰਨ ਵਧੇਰੇ ਅਫਸਰਾਂ ਨੂੰ ਸੱਦਣਾ ਪਿਆ।
ਕੁੱਲ 4 ਯਾਤਰੀਆਂ 'ਤੇ ਹਮਲਾ ਕੀਤਾ ਗਿਆ ਪਰ ਕਿਸੇ ਨੂੰ ਵੀ ਗੰਭੀਰ ਸੱਟਾਂ ਲੱਗਣ ਤੋਂ ਬਚਾਅ ਰਿਹਾ।
ਕਥਿਤ ਹਮਲਾਵਰ ਦੀ ਪਛਾਣ 54 ਸਾਲਾ ਡੇਵਿਡ ਐਲਨ ਲੁਕਾਸ ਵਜੋਂ ਹੋਈ ਹੈ।
ਉਸ 'ਤੇ ਹਥਿਆਰ ਨਾਲ ਹਮਲੇ ਦੇ ਦੋਸ਼ ਤੋਂ ਇਲਾਵਾ ਹਮਲੇ ਦੇ 3 ਦੋਸ਼ ਲੱਗੇ ਹਨ।
