19.4C Vancouver 19.4C VancouverMay 21, 2025 9:08 PM -
ਡਿਪਲੋਮੈਟਸ ਵੱਲੋਂ ਕੀਤੇ ਜਾ ਰਹੇ ਵੈਸਟ ਬੈਂਕ ਦੇ ਦੌਰੇ ਦੌਰਾਨ ਇਜ਼ਰਾਈਲ ਦੀ ਡਿਫੈਂਸ ਫੋਰਸਿਸ ਵੱਲੋਂ ਦਾਗੇ ਗਏ ਵਾਰਨਿੰਗ ਸ਼ਾਟਸ ਬਾਰੇ ਕੈਨੇਡਾ ਦੀ ਵਿਦੇਸ਼ ਮੰਤਰੀ ਅਨੀਤਾ ਅਨੰਦ ਨੇ ਕਨੇਡੀਅਨ ਰਾਜਦੂਤਾਂ ਬਾਰੇ ਅਪਡੇਟ ਸਾਂਝੀ ਕੀਤੀ ਹੈ।
ਉਨ੍ਹਾਂ ਦੱਸਿਆ ਕਿ ਵੈਸਟ ਬੈਂਕ ਦੇ ਸ਼ਹਿਰ ਜਨੀਨ ਦਾ ਦੌਰਾ ਕਰ ਰਹੇ ਡਿਪਲੋਮੈਟਸ ਵਿੱਚ ਚਾਰ ਕਨੇਡੀਅਨ ਰਾਜਦੂਤ ਵੀ ਮੌਜੂਦ ਸਨ।
ਅਨੀਤਾ ਅਨੰਦ ਨੇ ਇਸ ਬਾਰੇ 'ਐਕਸ' 'ਤੇ ਇੱਕ ਅਪਡੇਟ ਸਾਂਝੀ ਕਰ ਦੱਸਿਆ ਕਿ ਉਨ੍ਹਾਂ ਰਮਾਲਾ 'ਚ ਕੈਨੇਡਾ ਦੇ ਹੈਡ ਆਫ ਮਿਸ਼ਨ ਨਾਲ ਸੰਪਰਕ ਕੀਤਾ ਹੈ।
ਵਿਦੇਸ਼ ਮੰਤਰੀ ਨੇ ਦੱਸਿਆ ਕਿ ਕਨੇਡੀਅਨ ਟੀਮ ਸੁਰੱਖਿਅਤ ਹੈ। ਉਨ੍ਹਾਂ ਦੱਸਿਆ ਕਿ ਅਧਿਕਾਰੀਆਂ ਨੂੰ ਇਜ਼ਰਾਈਲ ਦੇ ਅੰਬੈਸਡਰ ਨਾਲ ਸੰਪਰਕ ਕਰ ਕੈਨੇਡਾ ਦੀ ਗੰਭੀਰ ਚਿੰਤਾ ਜਤਾਉਣ ਲਈ ਆਖਿਆ ਹੈ।
ਉਨ੍ਹਾਂ ਆਖਿਆ ਕਿ ਕੈਨੇਡਾ ਮਾਮਲੇ 'ਚ ਪੂਰੀ ਜਾਂਚ ਅਤੇ ਅਕਾਉਂਟੇਬਿਲਿਟੀ ਦੀ ਉਮੀਦ ਕਰਦਾ ਹੈ।
ਇਸ ਮਾਮਲੇ 'ਚ ਇਜ਼ਰਾਇਲੀ ਡਿਫੈਂਸ ਫੋਰਸਿਸ ਨੇ ਖੇਦ ਜਾਹਿਰ ਕੀਤਾ ਹੈ।
