15.87C Vancouver 15.87C VancouverJan 27, 2022 8:06 PM - The Canadian Press
ਰਿਚਮੰਡ 'ਚ ਇੱਕ ਡੁਪਲੈਕਸ 'ਚ ਗੋਲੀਬਾਰੀ ਦੀ ਭਿਆਨਕ ਘਟਨਾ ਬਾਰੇ ਵਧੇਰੇ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਸਾਰਜੈਂਟ ਡੇਵਿਡ ਲੀ ਨੇ ਦੱਸਿਆ ਹੈ ਕਿ ਪੀੜਤ ਲੋਕ ਇੱਕੋ ਪਰਿਵਾਰ ਦੇ ਮੈਂਬਰ ਸਨ। ਇਹ ਵੀ ਦੱਸਿਆ ਗਿਆ ਕਿ 4 ਮ੍ਰਿਤ ਲੋਕ ਐਡਲਟ ਸਨ।
ਮ੍ਰਿਤਕਾਂ 'ਚ 2 ਆਦਮੀ ਅਤੇ 2 ਔਰਤਾਂ ਹੋਣ ਦੀ ਜਾਣਕਾਰੀ ਦਿੱਤੀ ਗਈ।
ਹਾਲਾਂਕਿ ਫਿਲਹਾਲ ਇਨ੍ਹਾਂ ਦੀ ਪਛਾਣ ਜਾਂ ਮ੍ਰਿਤਕਾਂ ਦੀ ਉਮਰ ਦੇ ਵੇਰਵੇ ਸਾਂਝੇ ਨਹੀਂ ਕੀਤੇ ਗਏ ਹਨ।
ਪੀੜਤਾਂ ਦੇ ਪਰਿਵਾਰਿਕ ਮੈਂਬਰਾਂ ਨੂੰ ਘਟਨਾ ਬਾਰੇ ਸੂਚਿਤ ਕਰਨ ਦੀ ਪ੍ਰੀਕਿਰਿਆ ਜਾਰੀ ਹੈ।
ਮੰਨਿਆ ਜਾ ਰਿਹਾ ਹੈ ਕਿ ਚਾਰਾਂ ਦੀ ਮੌਤ ਸੋਮਵਾਰ ਰਾਤ ਹੋ ਗਈ ਸੀ।
ਪੁਲਿਸ ਵੱਲੋਂ ਘਟਨਾ 'ਚ ਫਿਲਹਾਲ ਕਿਸੇ ਸ਼ੱਕੀਆਂ ਦੀ ਭਾਲ ਨਹੀਂ ਕੀਤੀ ਜਾ ਰਹੀ।
ਪੁਲਿਸ ਦਾ ਕਹਿਣਾ ਹੈ ਕਿ ਕਤਲਾਂ ਲਈ ਜਿੰਮੇਵਾਰ ਵਿਅਕਤੀ ਮ੍ਰਿਤਕਾਂ 'ਚ ਹੀ ਸ਼ਾਮਿਲ ਸੀ।
ਅਫਸਰਾਂ ਨੂੰ ਆਲਡਰਬ੍ਰਿਜ ਵੇਅ ਦੇ ਉੱਤਰ ਵਿੱਚ ਗਾਰਡਨ ਸਿਟੀ ਰੋਡ ਕੋਲ ਸੱਦਿਆ ਗਿਆ ਸੀ।
ਇਸ ਘਟਨਾ ਨੂੰ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਜੁੜਿਆ ਨਹੀਂ ਮੰਨਿਆ ਜਾ ਰਿਹਾ।
