8.74C Vancouver 8.74C VancouverJan 29, 2022 1:29 AM - The Canadian Press
ਰਿਚਮੰਡ 'ਚ ਇੱਕ ਡੁਪਲੈਕਸ 'ਚ ਗੋਲੀਬਾਰੀ ਦੀ ਭਿਆਨਕ ਘਟਨਾ ਬਾਰੇ ਦੱਸਿਆ ਗਿਆ ਹੈ ਕਿ ਇਸ ਘਟਨਾ ਨੂੰ ਕਤਲ ਤੇ ਖੁਦਕੁਸ਼ੀ ਦੀ ਘਟਨਾ ਮੰਨਿਆ ਜਾ ਰਿਹਾ ਹੈ।
ਵੀਰਵਾਰ ਨੂੰ ਹੀ ਦੱਸਿਆ ਗਿਆ ਸੀ ਕਿ ਸਾਰੇ ਪੀੜਤ ਇੱਕੋ ਪਰਿਵਾਰ ਦੇ ਮੈਂਬਰ ਸਨ ਪਰ ਹੁਣ ਵਧੇਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਗਿਆ ਹੈ ਕਿ ਪੀੜਤਾਂ 'ਚ ਇੱਕ 71 ਸਾਲਾ ਪਿਤਾ, 58 ਸਾਲਾ ਮਾਂ, ਉਨ੍ਹਾਂ ਦਾ 23 ਸਾਲਾ ਲੜਕਾ ਅਤੇ 21 ਸਾਲਾ ਧੀ ਸ਼ਾਮਿਲ ਸੀ।
ਸਾਰਜੈਂਟ ਡੇਵਿਡ ਲੀ ਨੇ ਦੱਸਿਆ ਕਿ ਗੋਲੀ ਚੱਲਣ ਦੀ ਘਟਨਾ ਪਾਰਟਨਰ ਹਿੰਸਾ ਨਹੀਂ ਜਾਪਦੀ ਅਤੇ 23 ਸਾਲਾ ਲੜਕੇ ਕੋਲ ਹਥਿਆਰ ਸੰਬੰਧੀ ਲਾਈਸੈਂਸ ਸੀ ਅਤੇ ਉਸ ਦੀ ਹਥਿਆਰਾਂ ਤਕ ਪਹੁੰਚ ਸੀ।
ਉਨ੍ਹਾਂ ਦੱਸਿਆ ਕਿ ਜਾਂਚ ਅਧਿਕਾਰੀ ਸੋਸ਼ਲ ਮੀਡੀਆ ਪੋਸਟ ਅਤੇ ਹੋਰ ਜਰਨਲਸ ਦੀ ਜਾਂਚ ਕਰ ਰਹੇ ਹਨ ਤਾਂ ਜੋ ਘਟਨਾ ਪਿੱਛੇ ਦੇ ਕਾਰਨ ਦਾ ਕੁਝ ਪਤਾ ਲਗ ਸਕੇ।
ਮੰਨਿਆ ਜਾ ਰਿਹਾ ਹੈ ਕਿ ਚਾਰਾਂ ਦੀ ਮੌਤ ਸੋਮਵਾਰ ਰਾਤ ਹੋ ਗਈ ਸੀ।
ਪੁਲਿਸ ਵੱਲੋਂ ਘਟਨਾ 'ਚ ਫਿਲਹਾਲ ਕਿਸੇ ਸ਼ੱਕੀਆਂ ਦੀ ਭਾਲ ਨਹੀਂ ਕੀਤੀ ਜਾ ਰਹੀ।
ਯਾਦ ਰਹੇ ਮੰਗਲਵਾਰ ਨੂੰ ਅਫਸਰਾਂ ਨੂੰ ਆਲਡਰਬ੍ਰਿਜ ਵੇਅ ਦੇ ਉੱਤਰ ਵਿੱਚ ਗਾਰਡਨ ਸਿਟੀ ਰੋਡ ਕੋਲ ਸੱਦਿਆ ਗਿਆ ਸੀ।
ਇਸ ਘਟਨਾ ਨੂੰ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਜੁੜਿਆ ਨਹੀਂ ਮੰਨਿਆ ਜਾ ਰਿਹਾ।
