10.53C Vancouver 10.53C VancouverOct 27, 2020 5:37 PM -
ਸਰੀ ਅਤੇ ਲੈਂਗਲੀ ਦੇ 4 ਲੋਕ ਕੈਨਾਬਿਸ ਐਕਸਪੋਰਟੇਸ਼ਨ ਜਾਂਚ ਸੰਬੰਧੀ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਹਨ।
ਬੀਤੇ ਸਾਲ ਇਸ ਮਾਮਲੇ 'ਚ ਲੋਅਰ ਮੇਨਲੈਂਡ ਇਲਾਕੇ 'ਚ 5 'ਸਰਚ ਵਰੰਟਾਂ' ਨੂੰ ਅੰਜਾਮ ਦਿੱਤਾ ਗਿਆ ਸੀ।
ਸਾਲ 2018 'ਚ ਬੀ.ਸੀ. ਆਰ.ਸੀ.ਐਮ.ਪੀ. ਮੇਜਰ ਪ੍ਰੋਜੈਕਟ ਇੰਵੈਸਟੀਗੇਟਰਾਂ ਨੇ, ਪ੍ਰੋਜੈਕਟ 'ਐਪਰੌਮਿਨੈਂਟ' ਦੀ ਸ਼ੁਰੂਆਤ ਕੀਤੀ ਸੀ।
ਇਸ 'ਚ ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੈਂਸੀ, ਆਰ.ਸੀ.ਐਮ.ਪੀ. ਲਾਇਜ਼ਨ ਆਫਿਸ, ਅਤੇ ਕਈ ਹੋਰ ਅਜੈਂਸੀਆਂ ਦਾ ਸਹਿਯੋਗ ਮਿਲਿਆ ਸੀ।
ਕੈਨੇਡਾ ਤੋਂ ਯੂਰੋਪ ਐਕਸਪੋਰਟ ਹੋਣ ਵਾਲੇ ਕੈਨਾਬਿਸ ਸੰਬੰਧੀ ਜਾਂਚ ਕੀਤੀ ਜਾ ਰਹੀ ਸੀ।
18 ਜੂਨ 2019 ਨੂੰ ਲੈਂਗਲੀ, ਸਰੀ ਅਤੇ ਡੈਲਟਾ 'ਚ ਛਾਪੇਮਾਰੀ ਹੋਈ ਸੀ।
ਇਸ ਦੌਰਾਨ 1,180 ਕਿਲੋਗ੍ਰਾਮ ਕੈਨਾਬਿਸ, ਅਤੇ 5,300 ਕੈਨਾਬਿਸ ਦੇ ਬੂਟੇ ਮਿਲੇ ਸਨ। ਫੈਸਿਲਿਟੀ ਦੇ ਮੈਡਿਕਲ ਲਾਇਸੈਂਸ 'ਚ ਸਿਰਫ 300 ਬੂਟਿਆਂ ਦੀ ਇਜਾਜ਼ਤ ਸੀ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀਆਂ ਦੇ ਨਾਮ, ਮਾਰਕ ਮੈਨਾਸਟਿਰਸਕੀ, ਜੇਸਨ ਵੈਨ ਡਰ ਬੌਰਨ, ਵਿਲੀਅਮ ਪ੍ਰਾਈਸ ਅਤੇ ਕੀਥ ਵਾਲਿਸ ਹਨ।
ਇਨ੍ਹਾਂ ਦੀ ਅਗਲੀ ਪੇਸ਼ੀ 16 ਦਿਸੰਬਰ ਨੂੰ ਸਰੀ ਪ੍ਰੋਵਿੰਸ਼ੀਅਲ ਕੋਰਟ 'ਚ ਹੋਣੀ ਹੈ।
