15.49C Vancouver 15.49C VancouverJan 20, 2022 8:15 PM - The Canadian Press
ਮੈਨੀਟੋਬਾ ਵਿੱਚ ਕੈਨੇਡਾ-ਅਮਰੀਕਾ ਬੌਰਡਰ ਕੋਲ 4 ਲੋਕਾਂ ਦੇ ਮ੍ਰਿਤ ਸ਼ਰੀਰ ਮਿਲੇ ਹਨ।
ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਯੂ.ਐਸ. ਕਸਟਮਸ ਅਤੇ ਬੌਰਡਰ ਪ੍ਰੋਟੈਕਸ਼ਨ ਅਫਸਰਾਂ ਨੇ ਲੋਕਾਂ ਦੇ ਇੱਕ ਗਰੁੱਪ ਨੂੰ ਰੋਕਿਆ ਸੀ ਜੋ ਕਿ ਐਮਰਸਨ ਦੇ ਕੋਲ ਕੈਨੇਡਾ ਤੋਂ ਅਮਰੀਕਾ 'ਚ ਦਾਖਿਲ ਹੋਏ ਸਨ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਰੋਕੇ ਗਏ ਲੋਕਾਂ 'ਚ ਇੱਕ ਕੋਲ ਕਿਸੇ ਬੱਚੇ ਨਾਲ ਸੰਬੰਧਤ ਸਾਮਾਨ ਸੀ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਸੀ ਕਿ ਬੁੱਧਵਾਰ ਸਵੇਰੇ ਇਸ ਸੰਬੰਧੀ ਕਰੀਬ 9.20 ਵਜੇ 'ਤੇ ਜਾਣਕਾਰੀ ਮਿਲੀ ਸੀ ਅਤੇ ਤੁਰੰਤ ਇਲਾਕੇ 'ਚ ਭਾਲ ਸ਼ੁਰੂ ਕੀਤੀ ਗਈ ਸੀ।
ਬੁੱਧਵਾਰ ਨੂੰ ਕਰੀਬ ਦੁਪਹਿਰ 1.30 ਵਜੇ ਅਫਸਰਾਂ ਨੂੰ 3 ਲੋਕਾਂ ਦੇ ਮ੍ਰਿਤ ਸ਼ਰੀਰ ਮਿਲੇ।
ਪੀੜਤ ਲੋਕਾਂ ਦੇ ਮ੍ਰਿਤ ਸ਼ਰੀਰ ਐਮਰਸਨ ਦੇ ਪੂਰਬ 'ਚ ਕਰੀਬ 10km ਦੀ ਦੂਰੀ 'ਤੇ ਮਿਲੇ।
ਹੋਰ ਭਾਲ ਦੌਰਾਨ ਕੁਝ ਦੂਰੀ 'ਤੇ ਇੱਕ ਹੋਰ ਵਿਅਕਤੀ ਦਾ ਮ੍ਰਿਤ ਸ਼ਰੀਰ ਮਿਲਿਆ।
ਪੀੜਤਾਂ 'ਚ ਇੱਕ ਐਡਲਟ ਆਦਮੀ, ਇੱਕ ਐਡਲਟ ਔਰਤ, ਇੱਕ ਟੀਨੇਜਰ ਅਤੇ ਇੱਕ ਛੋਟਾ ਬੱਚਾ ਦੱਸਿਆ ਗਿਆ ਹੈ।
ਪੁਲਿਸ ਅਨੁਸਾਰ ਇਹ ਮ੍ਰਿਤ ਸ਼ਰੀਰ ਬੌਰਡਰ ਤੋਂ ਕਰੀਬ 40ਫੁੱਟ ਦੀ ਦੂਰੀ 'ਤੇ ਮਿਲੇ।
ਮੌਤਾਂ ਪਿੱਛੇ ਕੜਾਕੇ ਦੀ ਠੰਡ ਨੂੰ ਕਾਰਨ ਦੱਸਿਆ ਗਿਆ ਹੈ।
ਹਾਲਾਂਕਿ ਮਾਮਲੇ 'ਚ ਵਧੇਰੇ ਜਾਂਚ ਜਾਰੀ ਹੈ।
