6.48C Vancouver 6.48C VancouverOct 26, 2020 10:27 PM -
ਫਰੇਜ਼ਰ ਹੈਲਥ ਵੱਲੋਂ ਦੋ ਹੋਰ ਅਸਿਸਟਿਡ ਲਿਵਿੰਗ ਜਾਂ ਲੌਂਗ ਟਰਮ ਕੇਅਰ ਹੋਮਸ 'ਚ ਕੋਵਿਡ-19 ਆਊਟਬ੍ਰੇਕ ਐਲਾਨੇ ਗਏ ਹਨ। ਹੈਲਥ ਅਥਾਰਿਟੀ ਦਾ ਕਹਿਣਾ ਹੈ ਕਿ ਸਰੀ 'ਚ ਅਮੈਨਿਡਾ ਸੀਨੀਅਰਜ਼ ਕਮਿਊਨਿਟੀ ਅਤੇ ਚਿਲਿਵੈਕ 'ਚ ਅਗਾਸਿਜ਼ ਸੀਨੀਅਰਜ਼ ਕਮਿਊਨਿਟੀ 'ਚ ਸਟਾਫ਼ ਮੈਂਬਰਾਂ ਨੂੰ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ।
ਦੱਸਿਆ ਗਿਆ ਕਿ ਦੋਨਾਂ ਥਾਵਾਂ 'ਤੇ ਸਫਾਈ ਅਤੇ ਸੁਰੱਖਿਆ ਦੇ ਖਾਸ ਕਦਮ ਚੁੱਕੇ ਜਾ ਰਹੇ ਹਨ।
ਰੈਜ਼ੀਡੈਂਟਸ ਅਤੇ ਪਰਿਵਾਰਾਂ ਨਾਲ ਵੀ ਸੰਪਰਕ ਕੀਤਾ ਗਿਆ ਹੈ, ਅਤੇ ਇਸ ਸੰਬੰਧੀ ਜਕੰਕਾਰੀ ਦਿੱਤੀ ਜਾ ਰਹੀ ਹੈ।
ਯਾਦ ਰਹੇ ਸ਼ੁੱਕਰਵਾਰ ਨੂੰ ਬੀ.ਸੀ. 'ਚ 223 ਮਾਮਲੇ ਰਿਪੋਰਟ ਹੋਏ ਸਨ ਅਤੇ ਸੂਬੇ 'ਚ ਐਕਟਿਵ ਮਾਮਲਿਆਂ ਦੀ ਗਿਣਤੀ 2,000 ਤੋਂ ਪਾਰ ਹੋ ਚੁੱਕੀ ਹੈ।
ਬੀ.ਸੀ. 'ਚ ਫਰੇਜ਼ਰ ਹੈਲਥ ਦੇ ਇਲਾਕੇ 'ਚ ਸਭ ਤੋਂ ਵੱਧ ਕੋਵਿਡ-19 ਮਾਮਲੇ ਰਿਪੋਰਟ ਹੋਏ ਹਨ।
ਫਰੇਜ਼ਰ ਹੈਲਥ ਰਿਜਨ 'ਚ ਸ਼ੁੱਕਰਵਾਰ ਤੱਕ 6,860 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਵੈਨਕੂਵਰ ਕੋਸਟਲ ਹੈਲਥ ਰਿਜਨ 'ਚ 4,319 ਮਾਮਲੇ ਰਿਪੋਰਟ ਹੋਏ ਹਨ।
