10.81C Vancouver 10.81C VancouverOct 19, 2020 3:45 PM -
ਫਰੇਜ਼ਰ ਹੈਲਥ ਨੇ ਸਰ੍ਹੀ ਵਿੱਚ ਇੱਕ ਮੀਟ ਪ੍ਰੋਸੈਸਿੰਗ ਸੁਵਿਧਾ ਅਤੇ ਇਲਾਕੇ ਦੇ ਦੋ ਲੌਂਗ ਟਰਮ ਕੇਅਰ ਸੈਂਟਰਾਂ ਵਿਖੇ ਕੋਵਿਡ-19 ਦੇ ਨਵੇਂ ਆਊਟਬ੍ਰੇਕ ਦਾ ਐਲਾਨ ਕੀਤਾ ਹੈ।
ਸਿਹਤ ਅਥਾਰਟੀ ਦਾ ਕਹਿਣਾ ਹੈ ਕਿ ਜੇ&ਐਲ ਬੀਫ ਲਿਮਟਿਡ ਦੇ ਅਮਲੇ ਵਿੱਚ ਸੰਚਾਰਨ ਦੇ ਸਬੂਤ ਮਿਲੇ ਹਨ, ਜਿੱਥੇ ਹੁਣ ਤੱਕ 13 ਲੋਕਾਂ ਦਾ ਕੋਵਿਡ-19 ਟੈਸਟ ਪੌਜ਼ਿਟਿਵ ਆਇਆ ਹੈ।
ਫਰੇਜ਼ਰ ਹੈਲਥ ਦਾ ਕਹਿਣਾ ਹੈ ਕਿ 8 ਅਕਤੂਬਰ ਨੂੰ ਇੱਕ ਕਰਮਚਾਰੀ ਦਾ ਟੈਸਟ ਪੌਜ਼ਿਟਿਵ ਆਉਣ ਤੋਂ ਬਾਅਦ, ਜਨਤਕ ਸਿਹਤ ਕਾਮਿਆਂ ਨੂੰ ਇਸ ਸੰਭਾਵੀ ਆਊਟਬ੍ਰੇਕ ਬਾਰੇ ਪਹਿਲੀ ਵਾਰ 10 ਦਿਨ ਪਹਿਲਾਂ ਪਤਾ ਲੱਗਿਆ।
ਅਧਿਕਾਰੀਆਂ ਵੱਲੋਂ ਕੋਵਿਡ-19 ਦੇ ਖ਼ਤਰੇ ਨੂੰ ਘੱਟ ਕਰਨ ਦੀਆਂ ਰਣਨੀਤੀਆਂ ਨੂੰ ਮਜ਼ਬੂਤ ਕਰਨ ਲਈ ਸੁਵਿਧਾ ਦੇ ਨਾਲ ਮਿਲ ਕੇ ਕੰਮ ਕੀਤਾ ਜਾ ਰਿਹਾ ਹੈ।
ਉਹਨਾਂ ਮੁਤਾਬਕ, ਲੈਂਗਲੀ ਦੇ ਇੱਕ ਅਸਿਸਟਿਡ ਲਿਵਿੰਗ ਅਤੇ ਲੌਂਗ ਟਰਮ ਕੇਅਰ ਸੈਂਟਰ, 'ਦ ਵਿਲੇਜ', ਅਤੇ ਸਰ੍ਹੀ ਦੇ ਰੋਜ਼ਮੇਰੀ ਹਾਈਟਜ਼ ਸੀਨੀਅਰਜ਼ ਵਿਲੇਜ ਦੇ ਇੱਕ-ਇੱਕ ਕਾਮਿਆਂ ਦੇ ਟੈਸਟ ਵੀ ਪੌਜ਼ਿਟਿਵ ਆਏ ਹਨ।
ਸਿਹਤ ਅਥਾਰਟੀ ਦਾ ਕਹਿਣਾ ਹੈ ਕਿ ਟੀਮਾਂ ਹਰੇਕ ਸਾਈਟ 'ਤੇ ਕੰਮ ਕਰ ਰਹੀਆਂ ਹਨ ਅਤੇ ਇਨਫੈਕਸ਼ਨ ਕੰਟਰੋਲ ਦੇ ਵਧੇਰੇ ਉਪਾਅ ਸਥਾਪਤ ਕੀਤੇ ਗਏ ਹਨ।
ਸ਼ੁੱਕਰਵਾਰ ਤੱਕ, ਬੀ.ਸੀ. ਨੇ ਕੋਵਿਡ-19 ਕਾਰਣ 251 ਮੌਤਾਂ ਅਤੇ 11,189 ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਸੀ।
