9.74C Vancouver 9.74C VancouverOct 24, 2025 6:39 PM - Connect Newsroom
ਐਬਟਸਫੋਰਡ ਰੀਜਨਲ ਹਸਪਤਾਲ ਅਤੇ ਕੈਂਸਰ ਸੈਂਟਰ ਵਿਖੇ ਨਵੀਂ ਐਮਆਰਆਈ ਤਕਨਾਲੋਜੀ ਅਗਲੇ ਸਾਲ ਕਾਰਜਸ਼ੀਲ ਹੋ ਜਾਵੇਗੀ। ਸਿਹਤ ਮੰਤਰੀ ਜੋਸੀ ਓਸਬੋਰਨ ਨੇ ਕਿਹਾ ਕਿ ਹਸਪਤਾਲ ਦੇ ਐਮਆਰਆਈ ਵਿਭਾਗ ਨੂੰ $4.95 ਮਿਲੀਅਨ ਦੀ ਲਾਗਤ ਨਾਲ ਅਪਗ੍ਰੇਡ ਕੀਤਾ ਜਾ ਰਿਹਾ ਹੈ, ਇਸ ਦਾ ਫਰੇਜ਼ਰ ਵੈਲੀ ਭਰ ਦੇ ਮਰੀਜ਼ਾਂ ਨੂੰ ਲਾਭ ਮਿਲਣ ਵਾਲਾ ਹੈ।
ਨਿਰਮਾਣ ਦੌਰਾਨ ਮਰੀਜ਼ਾਂ ਦੀ ਸਹੂਲਤ ਲਈ ਇੱਕ ਮੋਬਾਇਲ ਐਮਆਰਆਈ ਯੂਨਿਟ ਚਲਾਈ ਜਾ ਰਹੀ ਹੈ ਤਾਂ ਜੋ ਸੇਵਾਵਾਂ ਵਿਚ ਕੋਈ ਰੁਕਾਵਟ ਨਾ ਆਵੇ। ਓਸਬੋਰਨ ਨੇ ਕਿਹਾ ਕਿ ਐਮਆਰਆਈ ਵਿਭਾਗ ਦਾ ਅੱਪਗ੍ਰੇਡੇਸ਼ਨ ਫਰੇਜ਼ਰ ਵੈਲੀ ਦੇ ਨਿਵਾਸੀਆਂ ਲਈ ਅਪਾਇਟਮੈਂਟ ਦੀ ਗਿਣਤੀ ਨੂੰ ਵਧਾਏਗਾ ਅਤੇ ਉਡੀਕ ਦੇ ਸਮੇਂ ਨੂੰ ਘੱਟ ਕਰੇਗਾ।
ਮਿਨਿਸਟਰ ਨੇ ਕਿਹਾ ਕਿ ਐਂਡਵਾਂਸ ਐਮਆਰਆਈ ਉਪਕਰਣ ਨਾਲ ਹਾਈ ਕੁਆਲਿਟੀ ਸਕੈਨ ਮਿਲਣਗੀਆਂ, ਜਿਸ ਨਾਲ ਡੌਕਟਰਜ਼ ਨੂੰ ਜਲਦੀ ਅਤੇ ਸਹੀ ਜਾਂਚ ਕਰਨ ਵਿਚ ਮਦਦ ਮਿਲੇਗੀ। ਐਡਵਾਂਸ ਐਮਆਰਆਈ ਨਾਲ ਦਿਮਾਗ ਅਤੇ ਰੀੜ੍ਹ ਦੀ ਹੱਡੀ ਵਿਚ ਸਮੱਸਿਆਵਾਂ ਅਤੇ ਸਰੀਰ ਦੇ ਹੋਰ ਹਿੱਸਿਆਂ ਵਿਚ ਟਿਊਮਰ, ਸਿਸਟ ਅਤੇ soft-tissue injuries ਦਾ ਪਤਾ ਲਗਾਉਣ ਵਿਚ ਮਦਦ ਮਿਲੇਗੀ।
