20.17C Vancouver 20.17C VancouverDec 22, 2023 6:21 PM - The Canadian Press
ਕੈਨੇਡਾ ਸਰਕਾਰ ਨੇ ਵਿਰੋਧੀ ਧਿਰ ਵੱਲੋਂ ਵਿਰੋਧ ਦੇ ਬਾਵਜੂਦ ਰਾਇਲ ਬੈਂਕ ਆਫ ਕੈਨੇਡਾ ਦੀ ਐੱਚਐੱਸਬੀਸੀ ਕੈਨੇਡਾ ਨੂੰ ਖਰੀਦਣ ਦੀ ਡੀਲ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ। ਰਾਇਲ ਬੈਂਕ ਆਫ ਕੈਨੇਡਾ $13.5-ਬਿਲੀਅਨ ਵਿੱਚ ਐੱਚਐੱਸਬੀਸੀ ਬੈਂਕ ਨੂੰ ਟੇਕਓਵਰ ਕਰ ਰਿਹਾ ਹੈ।
ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਵੀਰਵਾਰ ਰਾਤ ਕੁੱਝ ਸ਼ਰਤਾਂ ਨਾਲ ਇਸ ਡੀਲ ਨੂੰ ਫਾਈਨਲ ਮਨਜ਼ੂਰੀ ਦਿੱਤੀ, ਜਿਸ ਤਹਿਤ ਰਾਇਲ ਬੈਂਕ ਆਫ ਕੈਨੇਡਾ ਨੇ ਘੱਟ ਸਮੇਂ ਲਈ ਐੱਚਐੱਸਬੀਸੀ ਦੇ ਕਰਮਚਾਰੀਆਂ ਦੀ ਨੌਕਰੀ ਨੂੰ ਬਰਕਰਾਰ ਰੱਖਣ ਅਤੇ ਹਾਊਸਿੰਗ ਪ੍ਰਾਜੈਕਟ ਲਈ ਕਿਫਾਇਤੀ ਵਿੱਤ ਜਾਰੀ ਰੱਖਣ ਦੀ ਸਹਿਮਤੀ ਦਿੱਤੀ ਹੈ।
ਕੈਨੇਡਾ ਵਿੱਚ ਐੱਚਐੱਸਬੀਸੀ ਦੇ ਲਗਭਗ 4,000 ਵਰਕਰ ਹਨ ਅਤੇ ਇਹ ਕਰੀਬ 780,000 ਗਾਹਕਾਂ ਨੂੰ ਬੈਂਕਿੰਗ ਸਰਵਿਸਿਜ਼ ਪ੍ਰਦਾਨ ਕਰਦਾ ਹੈ। ਫੈਡਰਲ ਸਰਕਾਰ ਨੇ ਰਾਇਲ ਬੈਂਕ ਆਫ ਕੈਨੇਡਾ ਨੂੰ ਵੈਨਕੂਵਰ ਵਿੱਚ 1,000 ਤੋਂ ਵੱਧ ਨੌਕਰੀਆਂ ਨਾਲ ਨਵਾਂ ਗਲੋਬਲ ਬੈਂਕਿੰਗ ਹੱਬ ਸਥਾਪਿਤ ਕਰਨ ਲਈ ਕਿਹਾ ਹੈ ਨਾਲ ਹੀ ਬੈਂਕ ਨੇ ਵਿਨੀਪੈਗ ਵਿੱਚ ਆਪਣੇ ਕਲਾਇੰਟ ਓਪਰੇਸ਼ਨ ਸੈਂਟਰ ਵਿੱਚ ਵਰਕਫੋਰਸ ਵਧਾਉਣ ਅਤੇ 100 ਨਵੀਂਆਂ ਨੌਕਰੀਆਂ ਪੈਦਾ ਕਰਨ ਦੀ ਸਹਿਮਤੀ ਦਿੱਤੀ ਹੈ।
ਗੌਰਤਲਬ ਹੈ ਕਿ 130 ਸ਼ਾਖਾਵਾਂ ਨਾਲ ਐੱਚਐੱਸਬੀਸੀ ਕੈਨੇਡਾ ਦੀ 7ਵੀਂ ਸਭ ਤੋਂ ਵੱਡੀ ਬੈਂਕ ਹੈ। ਇਸ ਨੇ ਅਕਤੂਬਰ 2022 ਵਿੱਚ ਆਪਣਾ ਬਿਜ਼ਨੈੱਸ ਵੇਚਣ ਦਾ ਐਲਾਨ ਕੀਤਾ ਸੀ।
