12.99C Vancouver 12.99C VancouverSep 21, 2023 5:57 PM - The Canadian Press
ਫੈਡਰਲ ਲਿਬਰਲ ਸਰਕਾਰ ਵੱਲੋਂ ਨਵੇਂ ਰੈਂਟਲ ਹਾਊਸਿੰਗ ਬਣਾਉਣ ਲਈ ਇਸਤੇਮਾਲ ਹੁੰਦੇ ਮਟੀਰੀਅਲ 'ਤੇ ਜੀਐਸਟੀ ਚਾਰਜ ਨੂੰ ਹਟਾਉਣ ਦਾ ਐਲਾਨ ਕੀਤਾ ਸੀ, ਜਿਸ 'ਤੇ ਅੱਜ ਫਾਈਨਲ ਮੋਹਰ ਲਗਾਉਂਦੇ ਹੋਏ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਵੀਰਵਾਰ ਨੂੰ ਕਾਨੂੰਨ ਪੇਸ਼ ਕੀਤਾ ਹੈ, ਜੋ ਦੇਸ਼ ਦੇ ਕੰਪੀਟੀਸ਼ਨ ਕਾਨੂੰਨ ਨੂੰ ਅਪਡੇਟ ਕਰੇਗਾ।
ਇਸਦੇ ਨਾਲ ਹਾਊਸਿੰਗ ਸੰਕਟ ਅਤੇ ਕਿਫਾਇਤੀ ਸੰਕਟ ਨੂੰ ਹੱਲ ਕਰਨ ਵਿੱਚ ਮਦਦ ਕਰੇਗਾ।
ਕੰਪੀਟੀਸ਼ਨ ਐਕਟ ਵਿੱਚ ਬਦਲਾਅ ਲਿਬਰਲਸ ਵੱਲੋਂ ਕਾਨੂੰਨ ਦੀ ਸਮੀਖਿਆ ਕਰਨ ਦੇ ਵਾਅਦੇ ਦੀ ਪਾਲਣਾ ਕਰਦਾ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਓਨਟਾਰੀਓ ਦੇ ਲੰਡਨ ਵਿੱਚ ਲਿਬਰਲ ਕਾਕਸ ਰੀਟਰੀਟ ਦੌਰਾਨ ਇਸਦਾ ਐਲਾਨ ਕੀਤਾ ਸੀ।
ਪੱਤਰਕਾਰਾਂ ਨੂੰ ਦੱਸਿਆ ਗਿਆ ਕਿ ਇਹ ਉਪਾਅ ਕਈ ਨਵੀਆਂ ਸਰਕਾਰੀ ਨੀਤੀਆਂ ਵਿੱਚੋਂ ਇੱਕ ਹੈ ਜਿਸਦਾ ਉਦੇਸ਼ ਰਹਿਣ ਸਹਿਣ ਦੇ ਖਰਚ ਨੂੰ ਘਟਾਉਣਾ ਹੈ।
ਇਸਦੇ ਨਾਲ ਹੀ ਵੱਧ ਰਹੀ ਮਹਿੰਗਾਈ ਦੇ ਮੁੱਦੇ ‘ਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਹਾਊਸਿੰਗ ਅਤੇ ਗ੍ਰੋਸਰੀ ਕੀਮਤਾਂ ਬਾਰੇ ਨਵੇਂ ਐਲਾਨ ਕੀਤੇ ਸਨ।
ਲਿਬਰਲ ਕੌਕਸ ਦੇ ਇਜਲਾਸ ਦੀ ਸਮਾਪਤੀ ਤੋਂ ਬਾਅਦ ਟਰੂਡੋ ਵੱਲੋਂ ਨਵੇਂ ਐਲਾਨ ਕੀਤੇ ਗਏ ਸਨ।
ਉਨ੍ਹਾਂ ਨੇ ਦੇਸ਼ ਦੇ ਵੱਡੇ ਗ੍ਰੋਸਰੀ ਮਾਲਕਾਂ ਨੂੰ ਵੀ ਗ੍ਰੋਸਰੀ ਦੀਆਂ ਕੀਮਤਾਂ ਵਿੱਚ ਸਥਿਰਤਾ ਲਿਆਉਣ ਲਈ ਕੋਈ ਯੋਜਨਾ ਪੇਸ਼ ਕਰਨ ਲਈ ਕਿਹਾ ਹੈ।
