14.37C Vancouver 14.37C VancouverJan 25, 2023 1:42 AM - The Canadian Press
ਦੇਸ਼ ਦੀ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਮੈਲਨੀ ਜੋਲੀ ਦਾ ਕਹਿਣਾ ਹੈ ਕਿ ਕੈਨੇਡਾ ਵੱਲੋਂ ਆਪਣੇ ਸਾਥੀਆਂ ਨਾਲ ਮਿਲ ਕੇ ਯੂਕਰੇਨ ਦੀ ਮਦਦ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਹਾਲਾਂਕਿ ਉਨ੍ਹਾਂ ਇਹ ਨਹੀਂ ਦੱਸਿਆ ਕਿ ਇਸ ਦਾ ਅਰਥ ਕੀਵ ਨੂੰ ਜੰਗੀ ਟੈਂਕ ਭੇਜਣ ਦੇ ਤੌਰ 'ਤੇ ਕੱਢਿਆ ਜਾ ਸਕਦਾ ਹੈ।
ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੇ ਵੀ ਯੂਕਰੇਨ ਦੀ ਮਦਦ ਲਈ ਜੰਗੀ ਟੈਂਕ ਭੇਜਣ ਸੰਬੰਧੀ ਕੈਨੇਡਾ ਦੀ ਕਿਸੇ ਕਮਿਟਮੈਂਟ 'ਤੇ ਸਪਸ਼ਟ ਜਵਾਬ ਨਹੀਂ ਦਿੱਤਾ।
ਔਂਟੈਰੀਓ 'ਚ ਹੈਮਿਲਟਨ ਦੇ ਇਲਾਕੇ 'ਚ ਹੋ ਰਹੀ ਲਿਬਰਲ ਪਾਰਟੀ ਦੀ ਕੈਬਿਨੇਟ ਰਿਟ੍ਰੀਟ 'ਚ ਫਰੀਲੈਂਡ ਨੇ ਕਿਹਾ ਕਿ ਯੂਕਰੇਨ ਦਾ ਰੂਸ ਖਿਲਾਫ ਜੰਗ ਜਿੱਤਣਾ ਗਲੋਬਲ ਇਕਾਨਮੀ ਨੂੰ ਹੁਲਾਰਾ ਦਵੇਗਾ।
ਇਹ ਟਿੱਪਣੀ ਉਸ ਵੇਲੇ ਕੀਤੀ ਗਈ ਹੈ ਜਦ ਜਰਮਨੀ ਅਤੇ ਅਮਰੀਕਾ ਨੇ ਯੂਕਰੇਨ ਨੂੰ ਟੈਂਕ ਭੇਜਣ ਸੰਬੰਧੀ ਕਦਮ ਚੁੱਕਣ ਦੀ ਜਾਣਕਾਰੀ ਦਿੱਤੀ ਹੈ।
