13.96C Vancouver 13.96C VancouverJun 16, 2022 7:31 PM - The Canadian Press
ਦੇਸ਼ ਦੀ ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਵੱਲੋਂ ਅੱਜ ਇੰਫਲੇਸ਼ਨ ਯਾਨੀ ਕਿ ਵਧਦੀ ਮਹਿੰਗਾਈ ਅਤੇ ਅਫੋਰਡੇਬਿਲਿਟੀ ਦੇ ਮਸਲੇ 'ਤੇ ਫੈਡਰਲ ਸਰਕਾਰ ਦੀ ਪਲੈਨਿੰਗ ਦੇ ਵੇਰਵੇ ਸਾਂਝੇ ਕੀਤੇ ਗਏ ਹਨ।
ਫਰੀਲੈਂਡ ਵੱਲੋਂ ਇੱਕ 6 ਪਾਇੰਟਸ ਵਾਲਾ ਅਫੋਰਡੇਬਿਲਿਟੀ ਪਲੈਨ ਸਾਂਝਾ ਕੀਤਾ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਇਸ ਪਲੈਨ ਆਸਰੇ ਸਰਕਾਰ ਇੰਫਲੇਸ਼ਨ ਨਾਲ ਨਜਿੱਠਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਇਸ 'ਚ ਪਹਿਲਾਂ ਤੋਂ ਜਾਰੀ ਸਰਕਾਰ ਦੀਆਂ ਕਮਿਟਮੈਂਟਸ ਨੂੰ ਵੀ ਦੋਹਰਾਇਆ ਗਿਆ।
ਉਨ੍ਹਾਂ ਦੱਸਿਆ ਕਿ ਜਿਹੜੇ ਕਦਮ ਚੁੱਕੇ ਜਾ ਰਹੇ ਹਨ ਉਸ 'ਚ ਇਸੇ ਸਾਲ ਹੋਣ ਵਾਲੇ $8.9 ਬਿਲੀਅਨ ਦੇ ਖਰਚੇ ਸ਼ਾਮਿਲ ਹਨ। ਇਸ 'ਚ ਸਰਕਾਰ ਦਾ ਕੈਨੇਡਾ ਵਰਕਰਸ ਬੈਨੀਫਿਟ ਅਤੇ ਓਲਡ ਏਜ ਸਿਕਿਉਰਿਟੀ ਪ੍ਰੋਗਰਾਮ ਨੂੰ ਬੂਸਟ ਕਰਨ ਦਾ ਪਲੈਨ ਵੀ ਸ਼ਾਮਿਲ ਦੱਸਿਆ ਗਿਆ।
ਇਸ ਦੇ ਨਾਲ ਹੀ ਫੈਡਰਲ ਸਰਕਾਰ ਦੇ ਚਾਈਲਡ ਅਤੇ ਡੈਂਟਲ ਕੇਅਰ ਪਲੈਨਸ ਨੂੰ ਵੀ ਇੰਫਲੇਸ਼ਨ ਨਾਲ ਨਜਿੱਠਣ ਦਾ ਹਿੱਸਾ ਦੱਸਿਆ ਗਿਆ।
ਫਰੀਲੈਂਡ ਵੱਲੋਂ ਟੋਰੌਂਟੋ ਦੇ ਬੇਅ ਸਟ੍ਰੀਟ ਸਥਿਤ ਅੰਪਾਇਰ ਕਲੱਬ 'ਚ ਗੱਲਬਾਤ ਕੀਤੀ ਗਈ।
ਉਨ੍ਹਾਂ ਇਸ ਮੌਕੇ ਸਰਕਾਰ ਦੀਆਂ ਪ੍ਰਾਪਤੀਆਂ ਵੀ ਗਿਣਵਾਈਆਂ ਅਤੇ ਕਿਹਾ ਕਿ ਸਰਕਾਰ ਦੇ ਉਪਰਾਲਿਆਂ ਸਦਕਾ ਦੇਸ਼ ਪੈਂਡੈਮਿਕ ਤੋਂ ਉਭਰਦੇ ਹੋਏ ਅਮਰੀਕਾ ਦੇ 96% ਜੌਬ ਰਿਕਵਰੀ ਮੁਕਾਬਲੇ 117% ਜੌਬ ਰਿਕਵਰੀ ਦਰਜ ਕਰ ਚੁੱਕਿਆ ਹੈ।
ਉਨ੍ਹਾਂ ਕਿਹਾ ਕਿ ਇਹ ਜੀ-7 ਦੇਸ਼ਾਂ 'ਚ ਜੌਬ ਰਿਕਵਰੀ ਦਾ ਸਭ ਤੋਂ ਮਜਬੂਤ ਅੰਕੜਾ ਹੈ।
ਅਪ੍ਰੈਲ ਮਹੀਨੇ 'ਚ ਜਾਰੀ ਕੀਤੇ ਅੰਕੜਿਆਂ ਅਨੁਸਾਰ ਦੇਸ਼ ਦੀ ਇੰਫਲੇਸ਼ਨ 6.8% ਤਕ ਪਹੁੰਚ ਚੁੱਕੀ ਸੀ।
ਇਹ ਸਾਲ 1991 ਤੋਂ ਬਾਅਦ ਦੇਸ਼ 'ਚ ਇੰਫਲੇਸ਼ਨ ਦੀ ਸਭ ਤੋਂ ਉੱਚੀ ਦਰ ਹੈ।
ਯਾਦ ਰਹੇ ਫੈਡਰਲ ਸਰਕਾਰ ਲਗਾਤਾਰ ਵਧਦੀ ਮਹਿੰਗਾਈ ਵਿਚਾਲੇ ਚੁੱਕੇ ਜਾ ਰਹੇ ਸਵਾਲਾਂ ਵਿਚਾਲੇ ਦਬਾਅ ਦਾ ਸਾਹਮਣਾ ਕਰ ਰਹੀ ਹੈ।
ਐਨ.ਡੀ.ਪੀ. ਲੀਡਰ ਨੇ ਚੁੱਕੇ ਸਰਕਾਰ ਦੇ ਮਹਿੰਗਾਈ ਨਾਲ ਨਜਿੱਠਣ ਦੇ ਪਲੈਨ 'ਤੇ ਸਵਾਲ
ਅੱਜ ਕਵਸਚਨ ਪੀਰੀਅਡ ਦੌਰਾਨ ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਕ੍ਰਿਸਟੀਆ ਫਰੀਲੈਂਡ ਵੱਲੋਂ ਸਾਂਝੇ ਕੀਤੇ ਗਏ ਇੰਫਲੇਸ਼ਨ ਨਾਲ ਨਜਿੱਠਣ ਦੇ ਵੇਰਵਿਆਂ 'ਤੇ ਸਵਾਲ ਚੁੱਕੇ।
ਉਨ੍ਹਾਂ ਕਿਹਾ ਕਿ ਕੌਸਟ ਆਫ ਲਿਵਿੰਗ ਵਧਦੀ ਜਾ ਰਹੀ ਹੈ ਤੇ ਵਿੱਤ ਮੰਤਰੀ ਦੇ ਅੱਜ ਦੇ ਬਿਆਨ ਲੋਕਾਂ ਨੂੰ ਤੁਰੰਤ ਮਦਦ ਮੁਹਈਆ ਕਰਵਾਉਣ ਸੰਬੰਧੀ ਕਿਸੇ ਵੀ ਨਵੇਂ ਕਦਮਾਂ ਨੂੰ ਨਹੀਂ ਦਰਸ਼ਾਉਂਦੇ।
ਉਨ੍ਹਾਂ ਕਿਹਾ ਕਿ ਕੀ ਇਹ ਸਰਕਾਰ ਸਮਝਣ ਨੂੰ ਤਿਆਰ ਹੈ ਕਿ ਲੋਕਾਂ ਨੂੰ ਹੁਣੇ ਮਦਦ ਚਾਹੀਦੀ ਹੈ।
