13.85C Vancouver 13.85C VancouverJun 20, 2022 9:31 PM - The Canadian Press
ਅੱਜ ਕੈਨੇਡਾ ਦੀ ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ, ਕ੍ਰਿਸਟੀਆ ਫਰੀਲੈਂਡ ਤੇ ਅਮਰੀਕਾ ਦੀ ਟ੍ਰਈਅਰੀ ਸੈਕ੍ਰੇਟਰੀ ਜੈਨੇਟ ਯੈਲਨ ਦੀ ਟੋਰੌਂਟੋ 'ਚ ਗੱਲਬਾਤ ਹੋਈ।
ਗੱਲਬਾਤ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੋਵਾਂ ਦਾ ਕਹਿਣਾ ਸੀ ਕਿ ਕੈਨੇਡਾ ਅਤੇ ਅਮਰੀਕਾ ਵੱਲੋਂ ਵਧਦੀ ਮਹਿੰਗਾਈ ਨਾਲ ਨਜਿੱਠਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਪੁਖਤਾ ਕੀਤਾ ਜਾ ਰਿਹਾ ਹੈ ਕਿ ਸਪਲਾਈ ਚੇਨਸ ਮਜਬੂਤ ਰਹਿਣ ਅਤੇ ਇਸ ਨਾਲ ਮਹਿੰਗਾਈ 'ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਹੈ।
ਦੋਵਾਂ ਨੇ ਗਲੋਬਲ ਇਕਾਨਮੀ 'ਚ ਹਿੱਲਜੁਲ ਦਾ ਜਿਕਰ ਕੀਤਾ।
ਫਰੀਲੈਂਡ ਨੇ ਕਿਹਾ ਕਿ ਦੋਵੇਂ ਦੇਸ਼ ਗਲੋਬਲ ਇਕਾਨਮੀ 'ਚ ਇੱਕ ਅਹਿਮ ਪੜ੍ਹਾਅ 'ਤੇ ਖੜੇ ਹਨ।
ਉਨ੍ਹਾਂ ਕਿਹਾ ਕਿ ਯੈਲਨ ਨਾਲ ਗੱਲਬਾਤ ਹੋਈ ਹੈ ਕਿ ਬੌਰਡਰ ਦੇ ਦੋਵੇਂ ਪਾਸੇ ਪਰਿਵਾਰਾਂ ਲਈ ਕੀਮਤਾਂ ਨੂੰ ਘਟ ਤੋਂ ਘਟ ਕਿਵੇਂ ਰੱਖਿਆ ਜਾਵੇ।
ਉਨ੍ਹਾਂ ਕਿਹਾ ਕਿ ਇਹ ਵੀ ਚਰਚਾ ਹੋਇਆ ਹੈ ਕਿ ਰੂਸ ਵੱਲੋਂ ਯੂਕਰੇਨ 'ਤੇ ਕੀਤੇ ਜਾ ਰਹੇ ਹਮਲੇ 'ਚ ਰੂਸ ਖਿਲਾਫ ਏਕੇ ਨਾਲ ਕਿਵੇਂ ਸਟੈਂਡ ਜਾਰੀ ਰੱਖਿਆ ਜਾ ਸਕਦਾ ਹੈ।
ਫਰੀਲੈਂਡ ਨੇ ਕਿਹਾ ਕਿ ਹਾਲ ਦੀ ਘੜੀ ਬਣਿਆ ਹੋਇਆ ਚੁਣੌਤੀ ਭਰਿਆ ਇਕਨੌਮਿਕ ਸਮਾਂ ਗੋਲਬਲ ਇਕਾਨਮੀ ਦੀ ਦੇਣ ਹੈ।
ਯਾਦ ਰਹੇ ਬੀਤੇ ਮਹੀਨੇ ਦੇ ਅੰਕੜਿਆਂ ਅਨੁਸਾਰ ਦੇਸ਼ ਦੀ ਇੰਫਲੇਸ਼ਨ 6.8% 'ਤੇ ਪਹੁੰਚ ਗਈ ਹੈ।
ਇਹ ਸਾਲ 1991 ਤੋਂ ਬਾਅਦ ਦੀ ਸਭ ਤੋਂ ਉੱਚੀ ਇੰਫਲੇਸ਼ਨ ਦਰ ਹੈ।
