14.45C Vancouver 14.45C VancouverSep 8, 2021 4:30 PM -
ਇਹਨਾਂ ਚੋਣਾਂ ਦੌਰਾਨ ਦੋ ਅਧਿਕਾਰਿਤ ਡੀਬੇਟਸ ਹੋਣੀਆਂ ਹਨ ਜਿਨਾਂ ਵਿੱਚੋਂ ਪਹਿਲੀ ਡੀਬੇਟ ਅੱਜ ਰਾਤ ਨੂੰ ਹੋਣੀ ਹੈ।
ਅੱਜ ਵਾਲੀ ਡੀਬੇਟ ਵਿੱਚ 5 ਪਾਰਟੀ ਲੀਡਰ ਇੱਕ ਦੂਸਰੇ ਦੇ ਆਹਮਣੇ ਸਾਹਮਣੇ ਹੋਣਗੇ।
ਅੱਜ ਫ੍ਰਾਂਸੀਸੀ ਬੋਲੀ ਵਾਲੀ ਇਹ ਡੀਬੇਟ 2 ਘੰਟੇ ਚੱਲੇਗੀ ਅਤੇ ਕਈ ਮਿਲੀਅਨ ਲੋਕਾਂ ਵੱਲੋਂ ਦੇਖੀ ਜਾਣੀ ਹੈ।
ਫੇਰ ਕੱਲ ਨੂੰ ਅੰਗਰੇਜ਼ੀ ਡੀਬੇਟ ਹੋਵੇਗੀ।
ਇਹਨਾਂ ਦੋਵਾਂ ਡੀਬੇਟਸ ਵਿੱਚ ਲਿਬ੍ਰਲ ਲੀਡਰ ਜਸਟਿਨ ਟਰੂਡੋ, ਕੋਨਸਰਵੇਟਿਵ ਲੀਡਰ ਏਰਿਨ ਓ ਟੂਲ, ਐਨ ਡੀ ਪੀ ਦੇ ਲੀਡਰ ਜਗਮੀਤ ਸਿੰਘ, ਬਲੋਕ ਤੇ ਗ੍ਰੀਨ ਪਾਰਟੀ ਦੀ ਲੀਡਰ ਸ਼ਾਮਿਲ ਹੋਣਗੇ।
ਪੀਪਲ ਪਾਰਟੀ ਦੇ ਲੀਡਰ ਇਸ ਡੀਬੇਟ ਵਿੱਚ ਹਿੱਸਾ ਲੈਣ ਦੇ ਮਾਪਦੰਡਾਂ ਤੇ ਖਰੇ ਨਹੀਂ ਉਤਰੇ ਜਿਸ ਕਰਕੇ ਉਹ ਇਸ ਡੀਬੇਟ ਵਿੱਚ ਹਿੱਸਾ ਨਹੀਂ ਲੈ ਸਕਦੇ।
ਇਹ ਦੋਵੇਂ ਡੀਬੇਟਸ ਕੂਏਬੇਕ ਵਿੱਚ ਮਿਊਜ਼ੀਅਮ ਔਫ ਕੈਨੇਡਿਯਨ ਹਿਸਟਰੀ ਵਿੱਚ ਹੋਣੀਆਂ ਹਨ।
ਅੱਜ ਵਾਲੀ ਡੀਬੇਟ ਈਸਟਰਨ ਟਾਈਮ ਰਾਤ 8 ਵਜੇ ਸ਼ੁਰੂ ਹੋਵੇਗੀ।
ਅੱਜ ਜਿਹੜੇ ਮੁੱਦਿਆਂ ਤੇ ਗੱਲ ਹੋ ਸਕਦੀ ਹੈ ਉਹ ਹਨ ਕਲਾਈਮੇਟ ਚੇਂਜ, ਰਹਿਣ ਸਹਿਣ ਦਾ ਖਰਚ, ਮੂਲ ਨਿਵਾਸੀ ਲੋਕਾਂ ਦੇ ਮਸਲੇ, ਫ਼ੋਰਨ ਪਾਲਸੀ ਅਤੇ ਕੋਵਿਡ 19 ਮਹਾਂਮਾਰੀ।
