19.34C Vancouver 19.34C VancouverFeb 26, 2021 6:28 PM -
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਕੀਤੀ ਗਈ ਜਾਂਚ ਤੋਂ ਬਾਅਦ ਵੱਡੀ ਗਿਣਤੀ 'ਚ ਹਥਿਆਰ, ਡਰੱਗਸ ਅਤੇ ਹੋਰ ਪਦਾਰਥ ਬਰਾਮਦ ਹੋਏ ਹਨ।
ਇਹ ਬ੍ਰਾਮਦਗੀਆਂ ਵਹਾਲੀ ਇਲਾਕੇ ਦੇ ਇੱਕ ਕੌਂਡੋ ਵਿੱਚੋਂ ਹੋਈਆਂ ਹਨ।
ਪੁਲਿਸ ਅਨੁਸਾਰ ਇਹ ਜਾਂਚ 20 ਫਰਵਰੀ ਨੂੰ ਅਰੰਭੀ ਗਈ ਸੀ।
ਪੁਲਿਸ ਨੂੰ ਇੱਕ ਹਥਿਆਰ ਦੇ ਜ਼ੋਰ 'ਤੇ ਕੀਤੀ ਗਈ ਗੱਡੀ ਦੀ ਖੋਹ ਦੀ ਜਾਣਕਾਰੀ ਮਿਲੀ ਸੀ।
ਇਸ ਤੋਂ ਬਾਅਦ ਇੱਕ ਵਿਅਕਤੀ ਦੀ ਵਹਾਲੀ ਇਲਾਕੇ 'ਚ ਅਗਲੇ ਹੀ ਦਿਨ ਗ੍ਰਿਫਤਾਰੀ ਹੋਈ ਸੀ।
ਅਫ਼ਸਰਾਂ ਨੇ 140 ਸਟ੍ਰੀਟ ਦੇ 9700 ਬਲੌਕ 'ਚ ਸਥਿਤ ਇੱਕ ਘਰ ਦੀ ਤਲਾਸ਼ੀ ਦਾ ਵਾਰੰਟ ਹਾਸਿਲ ਕੀਤਾ।
22 ਫਰਵਰੀ ਨੂੰ ਤਲਾਸ਼ੀ ਲਈ ਗਈ।
ਇਸ ਦੌਰਾਨ ਵੱਡੀ ਗਿਣਤੀ 'ਚ ਡਰੱਗਸ ਅਤੇ ਹਥਿਆਰ ਬਰਾਮਦ ਹੋਏ ਹਨ।
ਇਸ ਦੌਰਾਨ 12 ਗੌਜ ਸ਼ੌਟਗੰਨਸ, ਇੱਕ .17 ਕੈਲਿਬਰ ਰਾਈਫਲ, 22 ਕੈਲਿਬਰ ਕਾਰਬਾਈਨ, 5 ਰੈਪਲਿਕਾ ਪਿਸਟਲ ਏਅਰਸੌਫਟ ਗੰਨਸ, ਲੋਡਿਡ ਕਾਰਬਾਈਨ ਅਤੇ ਪਿਸਟ ਮੈਗਜ਼ੀਨ, ਅਤੇ ਕੁਝ ਹੋਰ ਬਰਾਮਦਗੀਆਂ ਕੀਤੀਆਂ।
ਪੁਲਿਸ ਨੇ ਸ਼ੱਕੀ ਕੋਕੇਨ, ਮੈਥ, ਹੈਰੋਇਨ ਅਤੇ ਕ੍ਰੈਕ ਕੋਕੇਨ ਵੀ ਬਰਾਮਦ ਕੀਤੀ।
