11.85C Vancouver 11.85C VancouverApr 6, 2022 7:20 PM - Connect News
ਸਰੀ ਦੇ ਇੱਕ ਭਗੌੜੇ 'ਤੇ ਪੁਲਿਸ ਦੀ ਗ੍ਰਿਫਤ ਤੋਂ ਭੱਜਣ ਅਤੇ ਇਸੇ ਦੌਰਾਨ ਮਲਟੀ-ਵਾਹਨ ਕਰੈਸ਼ ਦਾ ਕਾਰਨ ਬਣਨ ਦੇ ਮਾਮਲੇ 'ਚ ਕਈ ਦੋਸ਼ ਲੱਗੇ ਹਨ।
ਮਾਮਲਾ ਮੰਗਲਵਾਰ ਰਾਤ ਈਸਟ ਵੈਨਕੂਵਰ 'ਚ ਵਾਪਰੀ ਘਟਨਾ ਨਾਲ ਸੰਬੰਧਤ ਹੈ।
ਵੈਨਕੂਵਰ ਪੁਲਿਸ ਦਾ ਇੱਕ ਅਫ਼ਸਰ ਮੇਨ ਸਟ੍ਰੀਟ ਅਤੇ ਟਰਮੀਨਲ ਐਵੀਨਿਊ ਕੋਲ ਪੈਟਰੋਲਿੰਗ ਕਰ ਰਿਹਾ ਸੀ ਜਦ ਉਸ ਨੇ ਇੱਕ ਵਾਹਨ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ।
ਕਥਿਤ ਤੌਰ 'ਤੇ ਗੱਡੀ 'ਚ ਇੱਕ 29 ਸਾਲਾ ਵਿਅਕਤੀ ਸਵਾਰ ਸੀ।
ਇਸ 'ਤੇ 10 ਕੈਨੇਡਾ ਭਰ ਦੇ ਵਾਰੰਟ ਜਾਰੀ ਸਨ। ਵਾਹਨ ਚਾਲਕ ਨੇ ਕਥਿਤ ਤੌਰ 'ਤੇ ਗੱਡੀ ਭਜਾ ਲਈ ਅਤੇ ਇਸੇ ਦੌਰਾਨ ਕਈ ਗੱਡੀਆਂ 'ਚ ਠੋਕਰ ਮਾਰੀ।
ਅੰਤ 'ਚ ਭਗੌੜੇ ਦੀ ਗੱਡੀ ਕਿਊਬੈਕ ਸਟ੍ਰੀਟ ਅਤੇ ਈਸਟ 2 ਐਵੀਨਿਊ ਦੇ ਕੋਲ ਇੱਕ ਇਮਾਰਤ ਨਾਲ ਜਾ ਟਕਰਾਈ।
ਉਸ ਨੇ ਮੌਕੇ ਤੋਂ ਦੌੜਨ ਦੀ ਵੀ ਕੋਸ਼ਿਸ਼ ਕੀਤੀ ਪਰ ਕੁਝ ਦੂਰੀ 'ਤੇ ਉਸ ਨੂੰ ਕਾਬੂ ਕਰ ਲਿਆ ਗਿਆ।
ਗੱਡੀ ਭਜਾਉਣ ਦੀ ਕੋਸ਼ਿਸ਼ ਦੌਰਾਨ ਇਲਾਕੇ 'ਚ ਗੱਡੀਆਂ ਨਾਲ ਹੋਈ ਟੱਕਰ ਵਿੱਚ 3 ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਘਟਨਾ 'ਚ ਇੱਕ 34 ਸਾਲਾ ਆਦਮੀ ਅਤੇ ਇੱਕ 30 ਸਾਲਾ ਔਰਤ ਨੂੰ ਸਿਰ 'ਤੇ ਸੱਟਾਂ ਲੱਗਣ ਤੋਂ ਇਲਾਵਾ ਅੰਦਰੂਨੀ ਸੱਟਾਂ ਲੱਗਣ ਦਾ ਖਦਸ਼ਾ ਜਾਹਿਰ ਕੀਤਾ ਗਿਆ।
ਘਟਨਾ 'ਚ ਇੱਕ 20 ਸਾਲਾ ਔਰਤ ਨੂੰ ਵੀ ਗੰਭੀਰ ਸੱਟਾਂ ਲੱਗੀਆਂ ਹਨ।
ਸਰੀ ਨਿਵਾਸੀ ਸ਼ੱਕੀ ਨੂੰ ਵੀ ਹਸਪਤਾਲ ਪਹੁੰਚਾਇਆ ਗਿਆ ਸੀ ਅਤੇ ਉਸ ਨੂੰ ਲੱਗੀਆਂ ਸੱਟਾਂ ਦੇ ਚਲਦੇ ਮਾਮਲੇ ਦੀ ਜਾਣਕਾਰੀ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਨੂੰ ਵੀ ਦਿੱਤੀ ਗਈ ਹੈ।
