17.61C Vancouver 17.61C VancouverMar 10, 2021 8:30 PM -
ਯੂਕੌਨ ਦੇ ਪ੍ਰੀਮਿਅਰ ਸੈਂਡੀ ਸਿਲਵਰ ਦਾ ਕਹਿਣਾ ਹੈ ਕਿ ਟੈਰੀਟਰੀ 'ਚ ਅਗਲੇ ਇੱਕ ਹਫ਼ਤੇ ਵਿਚਾਲੇ ਕੋਵਿਡ-19 ਦੇ ਕੋਈ ਨਵੇਂ ਮਾਮਲੇ ਉਜਾਗਰ ਨਾ ਹੋਣ ਜਿਹੇ ਹਾਲਾਤਾਂ ਵਿੱਚ ਉਨ੍ਹਾਂ ਦੀ ਸਰਕਾਰ ਕੁਝ ਪਬੰਦੀਆਂ 'ਚ ਢਿੱਲ ਦੇਣ ਲਈ ਤਿਆਰ ਹੈ।
ਇਹ ਪਬੰਦੀਆਂ ਵਾਇਰਸ ਦੇ ਫੈਲਾਅ ਨੂੰ ਘਟਾਉਣ ਦੇ ਟੀਚੇ ਨਾਲ ਲਾਗੂ ਕੀਤੀਆਂ ਗਈਆਂ ਸਨ।
ਇੱਕ ਨਿਊਜ਼ ਕਾਨਫਰੰਸ ਦੌਰਾਨ ਉਨ੍ਹਾਂ ਦੱਸਿਆ ਕਿ ਅਗਲੇ ਮਹੀਨੇ ਤੋਂ ਗ੍ਰੇਡ 10 ਤੋਂ 12 ਤਕ ਦੇ ਲਈ ਫੁੱਲ ਟਾਈਮ-ਇਨ ਕਲਾਸ ਲਰਨਿੰਗ ਦੀ ਪ੍ਰੀਕਿਰਿਆ ਸ਼ੁਰੂ ਕੀਤੀ ਜਾਵੇਗੀ।
ਹਾਲਾਂਕਿ ਯੂਨੀਵਰਸਟੀਆਂ ਵਿੱਚ 'ਫੇਸ ਟੁ ਫੇਸ' ਪੜ੍ਹਾਈ ਸਿਤੰਬਰ ਤਕ ਸ਼ੁਰੂ ਹੋਣ ਦੀ ਆਸ ਹੈ।
ਇਸ ਸਾਲ ਬਸੰਤ ਜਾਂ ਗਰਮੀ ਦੀ ਰੁੱਤ ਤਕ ਸੋਸ਼ਲ ਕੰਟੈਕਟਸ ਨਾਲ ਸੰਬੰਧਤ ਪਬੰਦੀਆਂ 'ਚ ਵੀ ਢਿੱਲ ਦੀ ਸ਼ੁਰੂਆਤ ਹੋ ਸਕਦੀ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਇਸ 'ਚ ਅੱਗੇ ਦਾ ਫੈਸਲਾ ਇਮਿਊਨਾਈਜ਼ੇਸ਼ਨ ਦੀ ਪ੍ਰੀਕਿਰਿਆ 'ਤੇ ਨਿਰਭਰ ਕਰੇਗਾ।
ਹੁਣ ਤਕ ਯੂਕੌਨ 'ਚ ਮੌਡਰਨਾ ਵੈਕਸੀਨ ਦੀਆਂ 24,000 ਤੋਂ ਵੱਧ ਵੈਕਸੀਨ ਪ੍ਰਦਾਨ ਕੀਤੀਆਂ ਜਾ ਚੁੱਕੀਆਂ ਹਨ।
ਇਸ 'ਚ 8,840 ਸ਼ੌਟਸ ਨੂੰ ਵੈਕਸੀਨ ਦੀ ਦੂਜੀ ਖੁਰਾਕ ਸੰਬੰਧਤ ਦੱਸਿਆ ਗਿਆ ਹੈ।
