13.17C Vancouver 13.17C VancouverFeb 22, 2021 4:10 PM -
ਸਭ ਤੋਂ ਪਹਿਲਾਂ ਯੂਨਾਈਟਡ ਕਿੰਗਡਮ ਵਿੱਚ ਸ਼ੁਰੂ ਹੋਏ ਕੋਵਿਡ-19 ਦੇ ਵੇਰੀਅੰਟ ਦੇ ਕਈ ਮਾਮਲੇ ਹੁਣ ਬ੍ਰਿਟਿਸ਼ ਕੋਲੰਬੀਆ ਦੇ ਸਕੂਲਾਂ ਵਿੱਚ ਸਾਹਮਣੇ ਆ ਰਹੇ ਹਨ।
ਫਰੇਜ਼ਰ ਹੈਲਥ ਵਲੋਂ ਜਾਰੀ ਕੀਤੇ ਗਏ ਬਿਆਨ ਅਨੁਸਾਰ ਸਰ੍ਹੀ ਅਤੇ ਡੈਲਟਾ ਦੇ 6 ਸਕੂਲਾਂ ਵਿੱਚ ਵਾਇਰਸ ਦੇ ਫੈਲਾਅ ਨੂੰ ਠੱਲ ਪਾਉਣ ਦੇ ਯਤਨ ਜਾਰੀ ਹਨ।
ਇਨ੍ਹਾਂ ਵਿੱਚੋਂ 5 ਸਕੂਲ ਸਰ੍ਹੀ ਵਿੱਚ ਹਨ: ਵੂਡਵਰਡ ਹਿੱਲ, ਜੇਮਜ਼ ਆਰਡੀਅਲ ਅਤੇ ਏ.ਐੱਚ.ਪੀ. ਮੈਥਿਊ ਐਲੀਮੈਂਟਰੀ ਅਤੇ ਕਵਾਂਟਲਿਨ ਪਾਰਕ ਅਤੇ ਟਮਾਨਿਵਿਸ ਹਾਈ ਸਕੂਲ ਅਤੇ ਹਾਲਿੰਗਜ਼ ਐਲੀਮੈਂਟਰੀ ਡੈਲਟਾ ਵਿੱਚ ਸਥਿਤ ਹੈ।
ਫਰੇਜ਼ਰ ਹੈਲਥ ਅਨੁਸਾਰ ਵਾਰਿਸ ਤੋਂ ਪ੍ਰਭਾਵਿਤ ਵਿਅਕਤੀਆਂ ਦੇ ਸੰਪਰਕ ਵਿਚ ਆਏ ਸਟਾਫ ਅਤੇ ਵਿਦਿਆਰਥੀਆਂ ਨੂੰ ਟੈਸਟ ਕਰਵਾਉਣ ਦੀ ਹਦਾਇਤ ਦਿੱਤੀ ਗਈ ਹੈ।
ਇਸ ਦੌਰਾਨ ਸਕੂਲ ਖੁੱਲ੍ਹੇ ਰਹਿਣਗੇ।
ਹੈਲਥ ਅਥਾਰਿਟੀ ਮੁਤਾਬਕ ਕਿਉਂਕਿ ਵਾਇਰਸ ਦਾ ਇਹ ਵੇਰੀਅੰਟ ਭਾਈਚਾਰੇ ਵਿਚ ਨਵਾਂ ਹੈ ਅਤੇ ਤੇਜ਼ੀ ਨਾਲ ਫੈਲਦਾ ਹੈ ਇਸ ਲਈ ਹੋਰ ਮਾਮਲਿਆਂ ਦੀ ਪਛਾਣ ਕਰਨ ਦੇ ਯਤਨ ਲਗਾਤਾਰ ਜਾਰੀ ਰਹਿਣਗੇ।
