18.53C Vancouver 18.53C VancouverApr 1, 2022 7:03 PM - The Canadian Press
ਕੈਨੇਡਾ 'ਚ ਇੱਕ ਪਾਸੇ ਕੋਵਿਡ-19 ਸੰਬੰਧੀ ਪਬੰਦੀਆਂ 'ਚ ਢਿੱਲ ਦੇਣ ਦਾ ਦੌਰ ਜਾਰੀ ਹੈ ਪਰ ਇਸੇ ਵਿਚਾਲੇ ਦੇਸ਼ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ ਨੇ ਲੋਕਾਂ ਨੂੰ ਵਾਇਰਸ ਸੰਬੰਧੀ ਇੱਕ ਨਵੇਂ ਵੇਰੀਐਂਟ ਬਾਰੇ ਸਾਵਧਾਨ ਕੀਤਾ ਹੈ।
ਡਾ. ਥਰੈਸਾ ਟੈਮ ਨੇ ਆਖਿਆ ਹੈ ਕਿ ਦੇਸ਼ 'ਚ ਬੀ.ਏ.2 ਵੇਰੀਐਂਟ ਦੇ ਮਾਮਲਿਆਂ 'ਚ ਲਗਾਤਾਰ ਵਾਧਾ ਵੇਖਣ ਨੂੰ ਮਿਲ ਰਿਹਾ ਹੈ।
ਡਾ. ਟੈਮ ਦਾ ਕਹਿਣਾ ਹੈ ਕਿ ਵਾਇਰਸ ਸੰਬੰਧੀ ਮਾਮਲਿਆਂ ਦੀ ਗਿਣਤੀ 'ਚ ਵਾਧਾ ਹੈਰਾਨ ਨਹੀਂ ਕਰਦਾ।
ਉਨ੍ਹਾਂ ਕਿਹਾ ਕਿ ਇਸ ਦੀ ਵਜ੍ਹਾ ਇਹ ਹੈ ਕਿ ਜਦ ਵੀ ਪਬਲਿਕ ਹੈਲਥ ਨਿਯਮਾਂ 'ਚ ਢਿੱਲ ਦਿੱਤੀ ਜਾਂਦੀ ਹੈ ਅਤੇ ਇਨ-ਪਰਸਨ ਗਤੀਵਿਧੀਆਂ ਵਧਦੀਆਂ ਹਨ ਤਾਂ ਉਸ ਮੌਕੇ ਵਾਇਰਸ ਸੰਬੰਧੀ ਮਾਮਲੇ ਵਧਣ ਲਗਦੇ ਹਨ।
ਡਾ. ਥਰੈਸਾ ਟੈਮ ਨੇ ਇਹ ਵੀ ਕਿਹਾ ਕਿ ਬੀ.ਏ.2 ਵੇਰੀਐਂਟ ਵਧੇਰੇ ਟ੍ਰਾਂਸਮਿਸੀਬਲ ਹੈ ਅਤੇ ਇਸ ਦਾ ਵੈਕਸੀਨ ਹਾਸਿਲ ਨਾ ਕਰਨ ਵਾਲੇ ਲੋਕਾਂ 'ਤੇ ਕਾਫੀ ਪ੍ਰਭਾਵ ਵੇਖਣ ਨੂੰ ਮਿਲ ਸਕਦਾ ਹੈ।
ਅੱਜ ਦੀ ਬ੍ਰੀਫਿੰਗ ਖਤਮ ਹੋਣ ਤੋਂ ਪਹਿਲਾਂ ਡਾ. ਥਰੈਸਾ ਟੈਮ ਨੇ ਕਿਹਾ ਕਿ ਬੂਸਟਰ ਸ਼ਾਟ ਹਾਸਿਲ ਕੀਤੇ ਜਾਣ।
