ਵੈਨਕੂਵਰ ਵਿਚ ਇੱਕ ਖੁੰਖਾਰ ਗੈਂਗ ਮੈਂਬਰ ਨੂੰ ਕੀਤਾ ਗਿਆ ਗ੍ਰਿਫਤਾਰ

ਵੈਨਕੂਵਰ ਦੇ ਡਾਊਨਟਾਊਨ ਈਸਟਸਾਈਡ ਵਿਚ ਓਨਟਾਰੀਓ ਨਾਲ ਸਬੰਧਤ ਇੱਕ ਖੁੰਖਾਰ ਗੈਂਗ ਮੈਂਬਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਜ਼ੋਨ 43 ਗੈਂਗ ਦਾ ਇਹ ਮੈਂਬਰ ਡਰੱਗ ਅਤੇ ਹਥਿਆਰ ਨਾਲ ਜੁੜੇ ਅਪਰਾਧਾਂ ਲਈ ਕੈਨੇਡਾ-ਵਿਆਪੀ ਵਾਟੇਂਡ ਸੀ। 31 ਸਾਲਾ ਕ੍ਰਿਸਟੋਫਰ ਸਿਨੇਅਸ ਨੂੰ ਔਟਵਾ ਪੁਲਿਸ ਦੀ ਜਾਂਚ ਤੋਂ ਬਾਅਦ 2022 ਵਿਚ ਓਨਟਾਰੀਓ ਵਿਚ 10 ਵੱਖ-ਵੱਖ ਮਾਮਲਿਆਂ ਵਿਚ ਦੋਸ਼ੀ ਠਹਿਰਾਇਆ ਗਿਆ ਸੀ ਪਰ ਸਜ਼ਾ ਸੁਣਾਏ ਜਾਣ ਤੋਂ ਪਹਿਲਾਂ ਫਰਾਰ ਹੋ ਗਿਆ ਸੀ।

ਪੁਲਿਸ ਦਾ ਮੰਨਣਾ ਹੈ ਕਿ ਸਿਨੇਅਸ ਇੱਕ ਸਾਲ ਤੋਂ ਵੱਧ ਸਮੇਂ ਤੋਂ ਡਾਊਨਟਾਊਨ ਈਸਟਸਾਈਡ ਵਿਚ ਸਰਗਰਮ ਸੀ। ਵੈਨਕੂਵਰ ਪੁਲਿਸ ਨੇ ਪਿਛਲੇ ਹਫ਼ਤੇ ਉਸ ਨੂੰ ਔਟਵਾ ਪੁਲਿਸ ਨੂੰ ਸੌਂਪਿਆ ਹੈ,ਜਿਥੇ ਉਹ 2022 ਦੇ ਅਪਰਾਧਾਂ ਲਈ ਸਜ਼ਾ ਦਾ ਸਾਹਮਣਾ ਕਰੇਗਾ। ਵੈਨਕੂਵਰ ਵਿਚ ਵੀ ਤਸਕਰੀ ਦੇ ਉਦੇਸ਼ ਲਈ ਹਥਿਆਰ ਰੱਖਣ ਦੇ ਮਾਮਲੇ ਵਿਚ ਉਸ ਖਿਲਾਫ ਟਰਾਇਲ ਸ਼ੁਰੂ ਹੋਣਾ ਹੈ।