19.17C Vancouver 19.17C VancouverJun 10, 2020 3:50 PM -
ਟ੍ਰਾਂਸਪੋਰਟ ਮਨਿਸਟਰ ਮਾਰਕ ਗਾਰਨੋ 8 ਜਨਵਰੀ ਨੂੰ ਤਹਿਰਾਨ ਦੇ ਨਜ਼ਦੀਕ ਹਾਦਸਾਗ੍ਰਸਤ ਹੋਏ ਯੂਕਰੇਨੀ ਹਵਾਈ ਜਹਾਜ਼ ਦੇ ਸੰਬੰਧ ਵਿੱਚ ਕੈਨੇਡਾ ਵੱਲੋਂ ਇਰਾਨ ਤੋਂ ਬਲੈਕ ਬਾਕਸਿਜ਼ ਦੀ ਮੰਗ ਕਰ ਰਹੇ ਹਨ।
ਗਾਰਨੋ ਅੱਜ ਇੱਕ ਵੀਡੀਓ ਲਿੰਕ ਰਾਹੀਂ ਯੂਨਾਈਟਿਡ ਨੇਸ਼ਨਜ਼ ਏਵੀਏਸ਼ਨ ਕਾਊਂਸਲ ਨਾਲ ਗੱਲਬਾਤ ਕਰ ਰਹੇ ਹਨ ਅਤੇ ਉਨ੍ਹਾਂ ਕਿਹਾ ਕਿ ਇਰਾਨ ਨੇ ਕਾਊਂਸਲ ਨੂੰ 92 ਦਿਨ ਪਹਿਲਾਂ ਯੂਕਰੇਨ ਨੂੰ ਜਾਂਚ ਲਈ ਫਲਾਈਟ ਡਾਟਾ ਅਤੇ ਕੌਕਪਿਟ ਵੌਇਸ ਰਿਕਾਰਡਰ ਦੇਣ ਦੀ ਗੱਲ ਕਹੀ ਸੀ।
ਸਹੀ ਟੈਕਨਾਲੋਜੀ ਨਾ ਹੋਣ ਦੇ ਬਾਵਜੂਦ ਇਰਾਨ ਨੇ ਪਹਿਲਾਂ ਰਿਕਾਰਡਰ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ ਪਰ ਫੇਰ 11 ਮਾਰਚ ਨੂੰ ਆਪਣਾ ਇਰਾਦਾ ਬਦਲ ਲਿਆ ਸੀ।
176 ਯਾਤਰੀਆਂ ਦਾ ਜਹਾਜ਼ ਹਾਦਸਾਗ੍ਰਸਤ ਹੋ ਜਾਣ ਤੋਂ ਕਾਫੀ ਦਿਨ ਬਾਅਦ ਇਰਾਨ ਨੇ ਇਹ ਗੱਲ ਸਵੀਕਾਰ ਕੀਤੀ ਕਿ ਜਹਾਜ਼ ਦੇ ਹਾਦਸੇ ਦਾ ਕਾਰਨ ਅਮਰੀਕਾ ਨਾਲ ਤਣਾਅ ਦੇ ਚੱਲਦਿਆਂ ਇਰਾਨ ਵੱਲੋਂ ਗਲਤੀ ਨਾਲ ਚਲਾਈ ਗਈ ਮਿਸਾਈਲ ਸੀ।
ਜਹਾਜ਼ ਤੇ ਸਵਾਰ ਯਾਤਰੀਆਂ ਵਿੱਚੋਂ 50 ਤੋਂ ਵੱਧ ਕਨੇਡੀਅਨ ਸਨ ਅਤੇ 138 ਕੈਨੇਡਾ ਆ ਰਹੇ ਸਨ ਜਿਨ੍ਹਾਂ ਵਿੱਚੋਂ ਵੱਡੀ ਗਿਣਤੀ ਦਸੰਬਰ ਦੀਆਂ ਛੁੱਟੀਆਂ ਤੋਂ ਸਕੂਲਾਂ ਅਤੇ ਨੌਕਰੀਆਂ ਤੇ ਵਾਪਸ ਆ ਰਹੇ ਵਿਅਕਤੀਆਂ ਦੀ ਸੀ।
ਗਾਰਨੋ ਨੇ ਕਿਹਾ ਤੇ ਕੈਨੇਡਾ ਇਰਾਨ ਤੋਂ ਰਿਕਾਰਡਰ ਦੇਣ ਦਾ ਆਪਣਾ ਵਾਅਦਾ ਪੂਰਾ ਕਰਨ ਦੀ ਉਮੀਦ ਕਰਦਾ ਹੈ ਅਤੇ ਇੰਟਰਨੈਸ਼ਨਲ ਸਿਵਲ ਏਵੀਏਸ਼ਨ ਆਰਗੇਨਾਈਜ਼ੇਸ਼ਨ ਨੂੰ ਈਰਾਨ ਨੂੰ ਇਹ ਜਾਣਕਾਰੀ ਦੇਣੀ ਪਵੇਗੀ ਕਿ ਅਜਿਹਾ ਕਰਨ ਵਿੱਚ ਹੁਣ ਤੱਕ ਤੋਂ ਉਹ ਕਿਉਂ ਅਸਮਰੱਥ ਰਿਹਾ ਹੈ।
