9.73C Vancouver 9.73C VancouverNov 25, 2021 9:57 PM - The Canadian Press
ਜਨਰਲ ਵੇਨ ਏਅਰ ਨੂੰ ਕੈਨੇਡਾ ਦਾ ਪਰਮਾਨੈਂਟ ਚੀਫ਼ ਆਫ ਡਿਫੈਂਸ ਸਟਾਫ਼ ਨਿਯੁਕਤ ਕਰ ਦਿੱਤਾ ਗਿਆ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਸ ਬਾਰੇ ਇੱਕ ਨਿਊਜ਼ ਰਿਲੀਜ਼ 'ਚ ਐਲਾਨ ਕੀਤਾ ਹੈ।
ਇਸੇ ਸਾਲ ਫਰਵਰੀ ਤੋਂ ਜਨਰਲ ਵੇਨ ਏਅਰ ਕਨੇਡੀਅਨ ਆਰਮਡ ਫੋਰਸਿਸ ਦੇ ਐਕਟਿੰਗ ਕਮਾਂਡਰ ਦੀ ਭੂਮਿਕਾ 'ਚ ਰਹੇ ਸਨ।
ਉਨ੍ਹਾਂ ਐਡਮਿਰਲ ਆਰਟ ਮੈਕਡੌਨਲਡ ਦੀ ਜਗ੍ਹਾ ਲਈ ਸੀ।
ਯਾਦ ਰਹੇ ਐਡਮਿਰਲ ਆਰਟ ਮੈਕਡੌਨਲਡ ਨੇ ਕੰਡਕਟ ਸੰਬੰਧੀ ਮਿਲਟਰੀ ਪੁਲਿਸ ਜਾਂਚ ਦੌਰਾਨ ਆਪਣਾ ਅਹੁਦਾ ਛੱਡਿਆ ਸੀ।
ਐਡਮਿਰਲ ਮੈਕਡੌਨਲਡ ਨੇ ਮੰਗ ਕੀਤੀ ਸੀ ਕਿ ਜਾਂਚ 'ਚ ਉਨ੍ਹਾਂ 'ਤੇ ਕੋਈ ਦੋਸ਼ ਨਾ ਲਗਾਏ ਜਾਣ ਤੋਂ ਬਾਅਦ ਉਨ੍ਹਾਂ ਨੂੰ ਆਪਣੇ ਅਹੁਦੇ 'ਤੇ ਵਾਪਿਸ ਲਿਆਂਦਾ ਜਾਵੇ।
ਪਰ ਲਿਬਰਲ ਸਰਕਾਰ ਨੇ ਅਗਸਤ 'ਚ ਉਨ੍ਹਾਂ ਨੂੰ ਪ੍ਰਸ਼ਾਸਨਿਕ ਛੁੱਟੀ 'ਤੇ ਭੇਜ ਦਿੱਤਾ ਸੀ।
ਰੱਖਿਆ ਮੰਤਰੀ ਅਨੀਤਾ ਅਨੰਦ ਨੇ ਜਾਣਕਾਰੀ ਦਿੱਤੀ ਕਿ ਐਡਮਿਰਲ ਆਰਟ ਮੈਕਡੌਨਲਡ ਨੂੰ ਟਰਮੀਨੇਟ ਕਰਨ ਦੇ ਨਿਰਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ।
ਉਨ੍ਹਾਂ ਜਨਰਲ ਵੇਨ ਏਅਰ ਦੀ ਨਿਯੁਕਤੀ 'ਤੇ ਉਨ੍ਹਾਂ ਨੂੰ ਵਧਾਈ ਦਿੱਤੀ।
